SAL7382, Akte: V°118.2 (232 van 482)
Akte V°118.2
Act
Transcriptie
2013-01-24 door Dirk De WeverVander questien en(de) geschille uutstaen(de) tusschen medarde/mackart aenlegge(re) t(er) eende(re) en(de) ja(n)ne bleycke(re) als man en(de)/mo(m)boir lijsbette(n) mackart sijnd(er) huysvr(ouwe) sust(er) des voirs(creven) medarts/t(er) and(er) sijden aengaen(de) den erfgoeden have(n) en(de) vliegen(de) erve(n)/hen v(er)schene(n) en(de) verstorve(n) van hue(re)n ouders en(de) d(air)aff/tande(re)n tijden tusschen hen deylingen gemaict sijn geweest/voir notar(is) en(de) getuygen en(de) des dien aencleeft en(de)/d(air)aff sij in gedinge voir meye(r) en(de) scepen(en) van loven(en)/gehange(n) hebben hebben hen de selve p(ar)tien gesubmitteert/en(de) verbonden inde eendrechtige uutsprake vanden/goeden manne(n) hier nae bescr(even) te weten(e) de voirs(creven)/jan bleycke(re) in henricke de heymo(n)niez in sulker vuege(n)/dat de selve segg(er)s informatie t(er) stont neme(n) sulle(n)/van p(ar)tien en(de) hue(re) uutsprake doen bynne(n) drie/dagen naistcomen(de) promitt(ens) rat(um) q(uo)libet p(er)t(uu)m sub/pena dece(m) rijders aur(eorum) nochtans sal tsegge(n) van/weerde(n) blive(n) cor(am) liefkenrode hoeve(n) septe(m)br(is) xxviii
//
//
Nagekeken door: Sabrina Keyaerts
Moderator: Sabrina Keyaerts
Laatste update:: 2013-01-24 door Sabrina Keyaerts