Opten xxiiii dach decembr(is) lestleden zijn gecompareert voe(r) den rade/ vander stadt arnoldus kyp in deen zijde h(er) jan van mechelen prieste(r)/ ende willem van leele als procur(eur) ende partie makende inden name/ van meester jacoppe bogart doctoir in medicinen in dande(r) aldair de/ voirs(creven) arnoldus opdede hoe dat hij omtrint s(in)t jansmisse lestleden/ jegen janne vander stoct gecocht hadde zeker erve tot rotselair/ geleg(en) onder den ande(re)n belast zijnde aen den voirs(creven) meest(er) jacoppe/ met vii mudden corens erflic ter quitingen elc mudde met xx cronen/ tstuck te xxiiii stuv(er)s ende iii pl(a)c(ken) voir den st(uver) hem des gedragen(de) totte(n)/ brieve(n) Voir welke rente inder afquitingen hij alsdoen den voirs(creven)/ meest(er) jacoppe p(rese)nteerde dobbele silve(re) leeukens tstuck te iii(½) stuv(er)s/ alsoe die doen cours hadden d(air)mede hij meynde te gestaene nae/ inhoudt der brieve De welke de voirs(creven) meest(er) jacop te dien prijse/ niet ontfaen en woude mair sustineerde dat hij die niet hoogher/ ontfaen en soude inder afquitingen nae valuacie dan tstuck te/ ii(½) stuv(er)s alsoe die loop hadden ten tijde als de rente op tgoet/ besedt waert Dair tegen de voirs(creven) arnoldus allegeerde ende/ hoepte want de voirs(creven) meester jacop de selve rente yerst gecocht/ hadde deen helicht int jair lxxxiii ende dander int jair lxxxiiii/ hem des oic gedragen(de) totten brieven dat hij tot alsulken/ valuacien niet comen en soude Niet te min de voirs(creven) meest(er) jacop/ was te vreden de voirs(creven) leeukens tontfaene ende de voirs(creven)/ arnoldus hem die te betalen(e) nae de p(rese)ntacie des voirs(creven) arnoldi/ zonder p(re)judijs van elcx rechte alsoe dat geschiede met p(ro)testacien/ ende op condicie dat zij hue(re) gescill vand(en) valuacien der voirs(creven)/ leeukens inder afquiti(n)gen souden opdoen den raide vand(er) stadt/ en(de) hen laten visite(re)n de brieve vand(en) besetti(n)gen en(de) coepe/ des voirs(creven) meest(er) jacops vander renten te dien eynde dat/ zij op tvoirs(creven) gescille souden appointe(re)n ende t(er)mine(re)n des sij/ bevinden souden de ordinancien vand(er) valuacien oic aengesien/ van reden(en) ende rechts wegen behoe(re)nde en(de) d(air) mede partien/ op ende afgaen d(air)af zij uterlijc beslicht beg(er)den om hen d(air)/ nae te vuegen Alsoe dat ten versueke van partien de voirs(creven)/ brieve yerst gevisiteert ende de voirs(creven) valuacie voir oegen/ genomen bijden raide vander stadt geappointeert ende/ get(er)mineert es t(er) p(rese)ncien vande(n) voirs(creven) arnold(us) t(er) eenre en(de) willem(me)/ van leefdale als p(ro)cur(eur) des voirs(creven) meest(er) jacops t(er) ande(r) dat de/ selve arnoldus de dobbele leeukens inder selver afquiti(n)gen sal/ geven ende de voirs(creven) meester jacop ontfangen tot alsulken prijse/ / als die gouden ten tijde doen de voirs(creven) meest(er) jacop dien erfpacht/ cocht ende gecreech ende dat partien dair mede in wed(er)sijden gestaen/ ende te vreden zijn zullen Actu(m) in consilio opidi p(rese)ntibus graven/ hove burg(imagistr)[is] oppendorp vynck scabinis et plu(r)ibus aliis [de (con)silio] januarii/ viii