Nae dien dat op heden voe(r) den raide vander stadt gecompareert/ zijn jan halleman ter eend(er) ende peet(er) vaes ter ande(r) zijden geven(de)/ de voirs(creven) jan te kynnen hoe dat hij eene zeke(re) erffelike rinte/ van xxx stuv(er)s hadde op eene schuere ende huysinge met/ zeke(re)n lande houden(de) omtrint een half dachmael gelegen/ opde(n) blauwe(n)putte den selve(n) pete(re)n toebehoiren(de) welke(n) pant/ hij blootende was vand(en) schue(re)n ende huysen dairop staende/ mits ov(er)drage vand(en) stadt die de huyse ald(air) bevolen hadde af/ te doene gelege(n) binne(n) schuets nae gelegenth(eyt) des tijts bege(re)nde/ alsoe want den voirs(creven) pant meer belast was ende hij tot zijne(n)/ rinten hier naemaels niet en soude conne(n) geraken dat hij hem/ die schue(re) ende huysinge(n) die hij ald(air) afdoen(de) was ende in meyni(n)g(en)/ hier bynne(n) te setten oick zijn rinte(n) bevestigen soude opde/ gronden dair zij gestelt soude(n) werdde(n) oft e(m)mer alsoe vele/ dade dat hij in dien versekert wae(re) dair tegen de voirs(creven)/ peet(er) seydt hoe dat hij qualic te vreden was vand(en) afdoen(e)/ oic tot zijnd(er) groot(er) scaden hoe wel hij dat doen moeste en(de)/ en was van dien zi(n)ne niet hem voirde(re) vestich(eyt) te doene/ het en wae(re) dat hijt met rechte moeste doen seggen(de) dat de/ voirs(creven) jan alsoe wel des genieten moeste als hij met meer/ worden in wed(er)zijden ten ynde voirs(creven) gealligeert es geappoint(ee)rt/ en(de) in manieren van provisien uutgesproken mits gelegenth(eyt)/ der saken in wed(er)zijden ende den reden(en) in dien dienen(de) dat de/ voirs(creven) huysinge(n) vercocht souden werden ende tgelt gestelt worde(n)/ t(er) sekerd(er) plaetssen om dairaf gedaen te worden(e) zoe dat/ behoiren soude oft in gevalle de voirs(creven) peet(er) de voirs(creven) huysinge(n)/ niet vercoepen en woude dat zij dan zulle(n) worde(n) geleeght/ tot zekerd(er) plaetssen en(de) ten selve(n) rechte d(air) beyde partien/ des te vrede(n) zulle(n) moegen wesen tot eensyegelijcx rechte/ om dairaff gedaen te werden alsoe behoiren zall mits dat/ den voirs(creven) raet op dese en(de) des(er) gelijcke materien nairde(r)/ in meyni(n)gen wae(re) te letten(e) oft dat hij aengaen(de) der rinten/ voirs(creven) des voirs(creven) jans moet crege ende met malcande(re)n/ van dien bij tussche(n) spreken(de) van vrinden eens worden in/ consilio opidi febr(uarii) vi[ta]
//