It(em) es den voirs(creven) brief bekint te dier meyni(n)gen dat de voirs(creven)/ henrick hem zal moegen doen leyden alst hem gelieft/ tot allen den goeden der voirs(creven) gehuysschen om dair aen te/ verhalen de so(m)me van vier rinsgulden(en) erffelijck metten/ co(m)me(re) dairop geloepen ende die dairop noch loepe(n) mochten/ welke so(m)me van vier rinsgulden(en) erffelijck de voirs(creven) henrick/ met zeke(re)n persoenen verborcht heeft aen woute(re)n vanden/ zijpe pelsmake(r) ende oic om te verhalen lviii r(ins)gulden(en)/ eens die de voirs(creven) henrick in gereeden pe(n)ningen verleet/ heeft voe(r) den voirs(creven) janne welke pe(n)ningen tsame(n) gegeve(n)/ ende bekeert zijn geweest inden ranchoene en(de) lossingen/ des voirs(creven) jans taenhoirts die gevangen was inder / stadt van halen ende metten voirs(creven) pe(n)ningen gelost/ geweest es cor(am) eisdem
//