It(em) brued(er) ph(i)l(ipp)us cleyma(n)s pat(er) ende brued(er) jan van/ tymseke procu(r)ator des godshuys va(n) sinte m(er)tens te loven(en)/ in p(rese)ntia hebben inden name(n) ende van wegen brued(er) boudewijns/ zoeten religieulx ende profes inden voirs(creven) godshuyse geapprobeert/ geratificeert ende gelaudeert alsulken scheydinge ende deylinghe/ als tande(re)n tijden geschiet ende gedaen zijn (christ)iane de nausnyde(re)/ voir scepene(n) van loven(en) bij clausen de boix jouffr(ouwe) barbelen de/ nausnyde(re) zijnd(er) huysvrouwen janne lampkairt ende ande(re)/ gelijc de brieve(n) dairaf gemaect vand(en) daet xiiii[c] lxxii julii/ xxix dat volcomelike(n) uuytwijsen ende begripen Geloven(de) de/ voirs(creven) renu(n)cie(re)nde dairaf genoech te doene alsoe verre het/ den voirs(creven) brued(er) bauduyne zoeten aengaen mach in e(n)niger/ manie(re)n alsoe dat den selve(n) (christ)iane ende zijne(n) nacomelingen/ tot eeuwigen dagen sal moege(n) zeker ende vast zijn/ Van welken geluften van approbacien ende ratificacien voirg(enoemt)/ philips vanden breyne ende jouffrouwe johanne zoeten/ zijn huysvrouwe suster des voirs(creven) [brued(er)] baudewijns geloeft hebbe(n)
//
den voirs(creven) he(re)n ende tgodshuys voirg(enoemt) costeloes en(de) scadeloes/ te houden(e) ende tontheffen(e) soe verre hen dairaf enigen last/ gedaen werdde cor(am) oppendorp vos martii decima/
//