It(em) want des voirs(creven) jans drabbe ende zijnd(er) huysvrouwen/ deylinge beet(er) es dan der voirs(creven) kinde(re)n deylinge soe hebbe(n)/ gecleert de voirs(creven) mo(m)boirs van wege(n) der selver kinde(re)n en(de)/ zijnder huysvrouwen dat dat gebuert es mids den reden(en)/ nae bescreven ierst van arnt wijlen van hulslair oem
//
vanden kinde(re)n hier voirtijts vercocht hadde janne drabbe/ zijnen zwag(er) een mudde rocx erfpachts op sijn derdendeel/ vanden erfgoeden voirs(creven) die nu janne drabbe en(de) zijnd(er) huysvr(ouwe)/ in deylingen gevalle(n) zijn welc mudde alsnu versmelt/ doot ende te nyeute es ten ande(re)n male want jan van hulslair onderhalf mudde rocx erfpachts jairlijcx in zijnder/ huweliker vorweerde(n) meer gehadt ende gehaven heeft/ dan jan drabbe met zijnd(er) huysvrouwe soe es de deylinghe/ der voirs(creven) kinde(re)n soe vele arge(r) dan der huysvrouwe(n) deylinge/ voirs(creven) te dien ynde datmen hieraff ofts te doen wae(re) namaels/ de cleernisse soude moege(n) weten cor(am) eisd(em)