It(em) de voirs(creven) jan van hoevelde heeft geloeft den voirs(creven)/ henricke vand(er) horst ende arnde coste(re) als mo(m)bo(r)en vanden / voirs(creven) claese nu buyte(n) lants zijnde dat hij soe wanneer/ de selve claes binne(n) lants wed(er)compt den selve(n) claese/ alsdan uutreycken ende betalen zall de helicht van allen/ den pachten die vanden voirs(creven) vi r(ins)guld(en) lijfpen(sien) van dat/ die aengeleecht wordde(n) dwelc was a(n)no lxxxiiii m(ar)tii secu(n)da tot opde(n)/ dach van heden gevalle(n) zijn ende voirts deen helicht van allen den/ pachte(n) die van desen daige voirts vand(en) voirs(creven) vi rinsgul(den) lijfpen(sien)/ nu aenden voirs(creven) arnde vynck etc(etera) aengeleecht vallen zulle(n) moege(n)/ ende bijde(n) selve(n) van hoevelde gehaven wordden tot dat de selve/ claes alsoe wed(er) te lande gecomen zall zijn Ede voirts dat de/ selve van hoevelde alsdan gehouden sal sijn de voirs(creven) vi rinsgul(den)/ lijfpen(sien) den d(enier) thien oft vii rinsgul(den) lijfpen(sien) den d(enier) neghen/ wed(er) te doen stelle(n) oft ande(re) alsulke(n) zeke(re) renten te coopen/ totten live vanden selven claese ende van g(er)truyt zijnd(er) sust(er)/ voirs(creven) et sup(er)stit(is) eoru(n)d(em) die hen ende den lancxsten leven(de)/ van hen alsdan blive(n) sal te heffene ende te h bue(re)n cor(am) eisd(em)