SAL7382, Akte: V°56.2 (103 van 482)
Akte V°56.2
Act
Transcriptie
2012-08-24 door Dirk De WeverWant reyne(re) mailfer als geleyt voir sijn wettich gebreck/nae des(er) stadt recht uut crachte va(n) scep(enen) brieve(n) brieve(n)/van loven(en) tot allen den goede(n) have en(de) erve wout(er)s wijlen/van meenssele soe wair die gelegen sijn hem met brieve(n)/van des(er) stadt gescr(even) aende(n) meye(r) van linshain oft sijne(n) stadt/houde(re) alle de selve goede behoirlijck heeft doen leve(re)n en(de)/ja(n)ne va(n) meenssele sone des voirs(creven) wijlen wout(er)s en(de)/den suste(re)n desselfs jans dach van rechte doen besceyde(n)/te compare(re)n inde banck voir meye(r) en(de) scepen(en) va(n) loven(en)/oft sij hen tegen de voirs(creven) leveringe hadden willen oppone(re)n/tot welken dage sij niet en compar(er)den noch p(ro)cur(eur) van/hue(re)n wegen den voirs(creven) geleydden (com)pare(re)nde en(de) trecht/voirt v(er)sueken(de) Soe hebben scepen(en) van loven(en) t(er) manissen/smeyers nae dat hen bij raporte cornel(ise) reyns des(er)/stadt bode behoirlijck hadde gebleken de voirs(creven) executie/geschiet te sijne gewesen voir een vo(n)nisse soe v(er)re/de wed(er)p(ar)tie vanden geleydden niet en compar(eer)t ten/opstane va(n) meye(r) en(de) scepen(en) dat men den voirs(creven) geleydde(n)/vanden voirs(creven) goeden houde(n) soude inde macht va(n)/sijne(n) scepen(en) brieve(n) beleyde en(de) leveringe(n) voirs(creven) alsoe /v(er)re alst noch voir scepen(en) come(n) es in sca(m)pno julii xxiiii/
Nagekeken door: Inge Moris , Jos Jonckheer
Moderator: Inge Moris
Laatste update:: 2012-08-24 door Inge Moris