Wij berghe nausnyde(re) scepen(en) van loven(e) doen/ condt eenyegelijck(en) dat voir ons come(n) es/ vrouwe marie van mosmale weduwe he(r)en/ coenraerts wijle(n) vand(er) me(re)n docteur en(de) ridd(er)/ hubrecht en(de) jouffr(ouwe) lijsbet van bourgevael/ kinde(re)n wijle(n) jans van bourgivael ind(en)/ name van he(m) en(de) ind(en) name van jouffr(ouwen)/ m(ar)griet(en) heur(er) sust(er) absent zijnde die zij/ in des nae bescreve(n) steet geloeft hebbe(n) te/ v(er)vange(n) in deen zijde jan vand(er) me(re)n h(er)/ arndt trot prieste(r) [jan vander me(re)n] en(de) arnoldus kyp als/ executeurs vand(en) testame(n)te wijlen des/ voirs(creven) he(r)en coenraets in dand(er) zijde kynnen(de)/ en(de) lijden(de) de voirs(creven) p(er)sone(n) te weten(e) de voirs(creven)/ vr(ouwe) marie als tocht(er)sse en(de) de voirs(creven) kinde(re)/ van bourgivael als erfgename(n) vand(en) goed(en)/ des voirs(creven) he(r)en coenraerts wijle(n) va(n)d(er) me(re)n/ tot woelwe ter ellindig(er) ma(r)ien en(de) d(air)ontrent/ gelege(n) inde(n) testame(n)te desselfs h(er) coenraets/ volcomelijc gecleert ende besund(er) van acht/ sacke(n) corens erfspachts op een wat(er)moele(n)/ te woelwe gelege(n) en(de) van eend(er) and(er) moele(n)/ oick ald(air) gelege(n) gelden(de) jairlijcx in pechti(n)g(en)/ thien rijd(er)s tstuck te xxvii stuv(er)s en(de) x sack(en)/ corens al mate van bruessele welck acht/ sacke corens en(de) moelen(en) voirs(creven) her jan wijle(n)/ vand(er) me(re)n ridder her jan vand(er) me(re)n zijn/ sone en(de) de voirs(creven) h(er) coenraet belast hebbe(n) met den co(m)me(re)n en(de) rinte(n) h(ier)nae verclaert
//
ende dair inne oick mede verpandt xxviii(½)/ boende(re)n eyghens lants gelege(n) te stertbeke/ in div(er)sse stucke(n) die tot noch toebehoirt hebbe(n)/ en(de) gewoenlijc zijn geweest gehoude(n) te wese(n)/ mette(n) hove geheete(n) nuwe(n)hove metgaders/ eene cleyne chijse gedragen(de) jairlijcx omtrint/ twee chijs guld(en) welck xxviii(½) boend(er) lants/ mette(n) chijse staen ond(er) de macht en(de) dispositie/ vande(n) voirs(creven) executeurs Te weten(e) inden/ yerste(n) aen claese pet(er)s met xii rinsche guld(en)/ corevorst(er) mu(n)te besedt int jair van xlviii/ It(em) aen ja(n)ne de smet int tselve jair met/ vi gelijck(en) guld(en) It(em) aen meest(er) ja(n)ne schat/ met vier guld(en) rijd(er)s besedt a(nn)[o] xlix It(em)/ noch aende(n) voirs(creven) clase pet(er)s besedt int jair/ l vier guld(en) rijders It(em) aen abertijn ferneer/ besedt int jair lix met xii rinsche guld(en)/ It(em) aen de voirs(creven) wijle(n) ja(n)ne va(n) bourgivael/ van oude(n) co(m)me(r) opde(n) molen(en) met v(½) chijsguld(en)/ It(em) ae(n)den heylighe(n) gheest van stertbeke/ met drie sacke corens en(de) eene(n) vate harincx/ It(em) voe(r) dyenste en(de) a(n)niv(er)sar(ien) inde kercke/ van stertbeke met drie sacke core(n)s It(em) aen [gheera(m)me wijle(n) va(n) waelhe(m) op de voirs(creven) eyge(n) la(n)de met xxiii sacke core(n)s va(n)d(en) xlii sacken die de selve]/ gheera(m)mes d(air)op tege(n) den voirs(creven) he(r)en ja(n)ne/ vand(er) me(re)n [den] sone v(er)creech op de lande en(de) op/ thoff te(n) busdo(m)me geheete(n) heystvoirt toe/ behoiren(de) jouffr(ouwen) joha(n)ne van kersbeke/ die wijfe es des voirs(creven) arnoldi kyps/ welck hoff vande(n) busdo(m)me dande(r) xix/ sack(en) vande(n) selve(n) xlii sculdich is te betale(n)/ alsoe dat blijct bij vonnessen vand(en) gerichte/ vand(en) univ(er)sit(eit) van loven(e) en(de) scepen(en) brieve(n)/ van bruessel It(em) opt tselve lant met twee/ sack(en) corens oft d(air)omtrint die tgasthuys/ van cortte(n)berghe en(de) cappelrie van stertbeke/
//
dair aen hebben welke co(m)me(re)n en(de) laste(n) van/ besette(n) voirs(creven) veel meer gedrage(n) dan de/ voirs(creven) pachte moelen(en) van woelwe en(de) eygen(en)/ lande mette(n) chijse te conne(n) v(er)stringe(n) dairaff/ de rintiers gheen ande(re) pande(n) specialijck/ en hebbe(n) dan de voirs(creven) eygen land(en) mette(n)/ chijse te nyeuwenhove(n) en(de) pachte(n) en(de) molen(en)/ van woeyluwe voirs(creven) dan generale gelufte/ van waerscape d(air)mede zij des voirs(creven) h(er)/ coenraerts eygen(en) en(de) chijs goed(en) soud(en) mog(en)/ vervolge(n) en(de) prame(n) Ende om dat de goede/ lude(n) d(air)aen de voirs(creven) rinte besedt zijn niet/ bedroge(n) en soude(n) wesen noch oick de ziele/ vand(en) besette(re)n d(air)mede gepraemt mair ontlast/ wesen soe zijn de voirs(creven) p(ar)tien bij middele(n)/ en(de) ond(er)wijsen van vrinden om te scouwe(n)/ cost en(de) last van gedinghe die zij om te/ wete(n) wij int voldoene vand(en) voirs(creven) co(m)me(r)/ en(de) gebruyke der waerscap p(ar)tien dairaff/ gedaen gehoud(en) soud(en) moege(n) wesen [soud(en) moege(n) lijde(n) mochte(n)] mi(n)lijck/ ov(er)come(n) van des h(ier)nae volght Inden/ ierste(n) dat de voirs(creven) vrouwe marie hue(r)/ leefdaighe lanck due(re)nde als tocht(er)sse/ en(de) de voirs(creven) kinde(re) van bourgivael nae/ huer als erflude(n) vand(en) voirs(creven) molen(en)/ pachte en(de) alle(n) den ande(re)n goed(en) va(n) woelwe/ jairlijcx van nu voirtane sulle(n) betale(n)/ de voirs(creven) drie sacke corens en(de) een vat/ harincx ae(n)den heylige(n) gheest te stertbeke/ desgelijcx de drie sacke corens va(n)d(en)/ a(n)niv(er)sar(ien) en(de) misse(n) oick te stertbeke It(em)/ insgelijcx aen ja(n)ne de smet de voirs(creven)/ vi rinsche guld(en) en(de) aen clase pet(er)s vier/ rijders en(de) aen ja(n)ne van bourgevale/ selve v(½) chijs guld(en) alsoe dat de goede/
//
eygen(en) land(en) voirs(creven) en(de) ande(re) goede die wa(r)en/ des voirs(creven) he(r)en coenraerts d(air)mede niet gelast/ en sulle(n) wese(n) Ter ande(r) zijde(n) sulle(n) de voirs(creven)/ executeurs drage(n) en(de) cuele(n) de co(m)me(re)n nae/ verclaert oick van nu voirtaene met aflegge(n)/ bewiseniss(en) van ande(re)n rint(en) oft v(er)ond(er)pe(n)ding(en)/ en(de) ande(re)n vesticheyd(en) den p(ar)tien te doen(e)/ Inden ierste(n) bove(n) den last vand(en) voirs(creven) xlii/ sacke(n) corens staen(de) op de eygen(en) land(en) ende/ goed(en) van heistvoert voirs(creven) aen de gebrued(er)s/ van waelhem de last(en) nae verclaert te weten(e)/ een mudde corens mat(en) van bruessele aen/ tgasthuys van cortenberghe en(de) (½) mudde ae(n)d(en)/ capelrie van stertbeke It(em) aen pete(re)n van/ waelhem uuyte(n) selve(n) lande vier guld(en)/ rijd(er)s die wa(r)en meest(er) jans scats It(em) aen/ clase pet(er)s de voirs(creven) xii rinsguld(en) It(em) aen/ abertijn ferneer xii rinsguld(en) erffelick It(em)/ desgelijcx sulle(n) de voirs(creven) executeurs/ drage(n) den last met afquijte(n) oft v(er)ond(er)pand(en)/ van alsulke(n) acht mudd(en) rocx love(n)scher/ mate(n) als de voirs(creven) jan vand(er) me(re)n jairlijcx/ heeft spruyten(de) uut desselfs jans huwe/ lijcker vorweerde(n) en(de) oic een mudde/ rocx love(n)scher mate(n) al erfpacht als willem heylen opde(n) voirs(creven) he(r)en coenraede hadde/ bij kynnesse(n) d(air)af gepasseert van [voe(r)] scepen(en)/ van loven(e) D(air)voe(r) deselve jan en(de) willem/ tot allen den goede(n) des voirs(creven) he(r)en/ coenraets beleyt zijn alsoe dat de goed(en)/ d(er) voirs(creven) vrouwe(n) soe wair die gelegen zijn/ noch oick de voirs(creven) goede van woelwe/ in hue(re)n leven(en) noch nae huer doot/ dair inne nyet gelast en sulle(n) wesen/ mits aenverden van welken laste de
//
der voirs(creven) executeurs de voirs(creven) vrouwe/ in recompensien sal ov(er)geve(n) de helicht hue(r)/ toebehoiren(de) en(de) allet recht dat zij heeft in/ alsulke(n) xxi rinsguld(en) erffelick(er) rinte(n) alse/ de voirs(creven) wijlen her coenraet en(de) zij v(er)crege(n)/ opde heerlich(eit) en(de) goede van breve te leen/ gehoude(n) vand(en) h(er)toghe van brabant ende/ dair inne deselve executeurs tott(er) execuc(ien)/ behoef te goede(n) en(de) erve(n) voe(r) den stadhoude(re)/ en(de) ma(n)nen van leene(n) ons(er) gened(ichs) he(r)en den/ h(er)toghe voirs(creven) soe wa(n)neer zij vande(n) selve(n)/ executeurs oft vande(n) eene(n) van he(n) v(er)socht/ sulle(n) wesen It(em) sulle(n) de voirs(creven) weduwe/ en(de) executeurs bij he(n) selve(n) oft procur(eur) gezame(n)d(er)/ hant vervolge(n) en(de) gecrige(n) alsulcke(n) tweehond(er)t/ rinsgulden(en) eens als staen ond(er) den wissele(r)/ te bruessele gecome(n) vand(en) v(er)coope d(er) goed(en)/ van dielbeke aen arnde de scrapre gelijck/ dat blijckt bij eend(er) cedulle(n) die de voirs(creven)/ vrouwe onderheeft en(de) de voirs(creven) wissele(r)/ betalen(de) de voirs(creven) so(m)me die cedulle my/ vrouwe ov(er)leve(re)n sal [de voirs(creven) cedulle] van welker so(m)me(n)/ de voirs(creven) executeurs trecke(n) sulle(n) t(er) execuc(ie)/ behoef hondert en(de) xxx rinsguld(en) en(de) de/ voirs(creven) vrouwe marie lxx rinsguld(en) It(em)/ sal oick mits desen de voirs(creven) vrouwe/ marie ongehoude(n) zijn van alsulke(n) hond(er)t/ pet(er)s eens alse de voirs(creven) wijlen h(er)/ coenrart woute(re)n vand(en) busdo(m)me bastart/ met scepen(en) brieve(n) van bruessele nae/ zijn doot bekindt hadde te betalen(e)/ sond(er) dat de voirs(creven) executeurs hue(r) d(air)af/ van restituc(ie) sulle(n) moege(n) laste(n) en(de) mits/ desen oick sal de voirs(creven) vrouwe marie/ verthijden en(de) afgaen van alsulke(n) processe/
//
als zij begonne(n) heeft voe(r) den raide ons/ gened(ichs) [he(re)n] tegen den p(re)laet van p(er)cke vande(n)/ v(er)coope vand(en) huyse des voirs(creven) wijle(n) he(r)en/ coenraerts te bruessele bijd(en) voirs(creven) executeurs/ v(er)cocht en(de) gegoet welck v(er)coope(n) deselve/ vrouwe gemeynt heeft te invalide(re)n/ laten(de) den selve(n) p(re)laet d(air)aff ongemoet/ en(de) blive(n) in zijnd(er) vestich(eit) It(em) oftmen/ namaels bevonde meer co(m)mers dan in/ desen geruert zijn v(er)pandt sijnde opde/ voirs(creven) molen en(de) eygen(en) goed(en) en(de) d(er) p(ar)tien/ egheen ande(re) ond(er)pand(en) mede en hebben/ dat elck vand(en) voirs(creven) p(ar)tien als van/ dien sal staen op sijn beloep van rechte/ It(em) sal oick de voirs(creven) vrouwe den voirs(creven)/ executuers ov(er) leve(re)n alle quitan(cien) die zij/ ond(er)heeft vand(en) betalinge(n) die de voirs(creven) wijle(n)/ h(er) coenraet div(er)se p(er)sone(n) gedaen heeft van/ legat(en) he(m) gedaen bij willem(me) wijle(n) va(n)d(en)/ busdo(m)me in sijne(n) testame(n)te op dat de/ executeurs en(de) de coep(er) vand(en) goed(en) van/ dielbeke hen d(air)med(en) moge(n) behulpen welke/ pointe(n) alle en(de) yegewelke voirs(creven) de voirs(creven)/de voirs(creven) p(ar)tien te weten(e) my vrouwe en(de)/ de erfgename(n) voirs(creven) t(er) eenre en(de) de voirs(creven)/ h(er) aert jan en(de) arnoldus executeurs t(er) ande(r)/ zijd(en) en(de) elck van he(n) soe verre he(n) dat/ aencleeft geloeft hebben en(de) gelove(n) ghesten/ tichlijc tond(er)houden(e) en(de) tacht(er)volgen(e)/ alle fraude en(de) argeliste uuyt gescheide(n)/ des ter kenness(en) (et)c(etera) cor(am) b(er)ghe nausnijde(re)/ maii v[ta]

Bij ov(er)drage vand(er) stadt es den execute(ur)s geco(n)senteert refor(ma)tie van dese(n) wa(n)t zij cleerde(n) hue(re)n brieff die zij d(air)aff hadden verloe(re)n te wesen op cond(icie) vondemen den yerste(n) brieff dat zij den eenen wed(er)bringe(n) en(de) a(n)nichile(re)n zulle(n) In (con)silio opidi in aprili a(nn)[o] xciiii L(itte)ra reformata est et d(omi)nus arnoldus trot un(us) executoru(m) h(abet)