It(em) jan vleminck en(de) lysbeth vand(er) strate(n) zij wijf in p(rese)ntia/ hebben ghekint en(de) gheleden ope(n)baerlyck dat zij wettelyke/ v(er)cocht hebbe(n) gerardo de thimo al(ia)s va(n)de(r) male alle/ alsulcke(n) recht actie successie en(de) deel als hen e(n)nichssins/ toecomen en(de) v(er)storve(n) zijn bij en(de) na de doot jans wijle(n)/ vand(er) straten brueders als hij leefde der voirs(creven) lysbette(n)/ welcke recht actie successie en(de) deel den selve(n) wijle(n)/ ja(n)ne onlancx lede(n) toecomen en(de) verstorve(n) wae(re)n uut/ doode aerts wijle(n) de smet plattijnmek(er)s oem desselfs/ wijle(n) jans vand(er) strate(n) woenachtich als hij leefde ind(er)/ stadt van dornijke om en(de) voe(r) eene(n) zecke(re)n prijs d(air)aff/ de voirs(creven) gehuysche(n) hen bekint hebben wel en(de) volcomelijc/ v(er)nuecht en(de) betaelt te zijne Geloven(de) den selve(n) gerardo/ alle behulp en(de) bijstant te doene sond(er) hue(re)n cost soe v(er)re/ des behoiren en(de) behoeve(n) sal moghe(n) dat hij tott(er) selve(r)
//
huer(er) successien ombelet van yema(n)de(n) sal come(n) en(de) gerake(n)/ Et t(antu)m prout Met condicien oft namaels bevonden/ worde dat de voirs(creven) gehuysche(n) inde selve successie/ niet gericht en wae(re)n en(de) yemant and(er)s naerd(en)/ recht d(air)toe p(re)tendeerde dat sij alsdan den voirs(creven)/ gerard(en) sijn pe(n)ninghe(n) die hij d(air)om uutgegeven/ sal hebben restituee(re)n en(de) wed(er)geve(n) sullen en(de) hem/ d(air)af teghe(n) eene(n)yegelijcke(n) inne te staen(e) tot ewige(n)/ daghe(n) alsoe dat hem genoech zij cor(am) h(er)meys/ hove octobr(is) xxiii