Tractaet gemaect ende gesciet tusschen he(re)n/ ende meeste(re)n ja(n)ne de thymo doctoir inden/ rechten en(de) deken he(re)n gheerde de thymo zijne(n)/ brued(er) canonick der collegiate kercken van/ sinte pet(er)s te loven(e) met lijsbette(n) crijckels weduwe/ henricx wilen vanden male en(de) gerarde de/ thymo al(ia)s vanden male hue(re)n sone behoirlijck/ in desen uut hue(re)n broede gedaen wesende/ t(er) eenre ende henricu(m) hanckart secretar(is)/ der stadt van loven(e) met yden vand(er) beken/ zijnder huysvrouwe(n) t(er) ande(re) opden toecomen(de)/ huwelijck die t(er) e(r)en goids nae staet der/ heylig(er) kercke(n) geconcipieert begrepe(n) en(de) ov(er)come(n)/ es tusschen den voirs(creven) gerarde de thymo/ toecomen(de) brudegom t(er) eenre ende marien/ wettige docht(er) des voirs(creven) henrici hanckart/ ende zijnd(er) werdi(n)nen t(er) ande(re) Ierst heeft/ de voirs(creven) yerste p(ar)tie in ond(er)stande vanden/ selve(n) huwelike toecomen(de) brudegom innebracht/ alsulken sesse rinsgulden(en) erffelijck als/ deselve gerardt opte(n) xxii dach van merte/ lestleden v(er)crege(n) heeft met scepen(en) brieve(n)/ van loven(e) aen janne en(de) willem(me) crijckels/ gebruede(re)n zonder dat deselve gerardt die/ naemaels t(er) deylinge(n) sal derve(n) bringe(n) met/ zijne(n) brued(er)s en(de) susters als deylinghe gebue(re)n/ soude van zijne(n) ouders goede(n) Item noch/ heeft de voirs(creven) moed(er) vanden toecomen(de) brudegom/ in ond(er)stande desselfs innebracht ende/ geloeft vier rinsgulden(en) lijftochte(n) ten live/ vanden voirs(creven) toecomen(de) gehuysschen et sup(er)stit(is)/ eoru(n)dem die welke bynne(n) jairs valle(n) sulle(n)/ en(de) jairlijcx betaelt wordden ende zekerlijck/ bij huer gecocht ten lancxsten bynne(n) twee/ ja(r)en naistcomen(de) Dair voe(r) mijn hee(re) de deken/ en(de) her gheert sijn brued(er) voirs(creven) met henricke
//
vanden male brued(er) des voirs(creven) toecomen(de) brudegoms/ oft dair inne gebreck wae(r) v(er)antwert hebben/ en(de) elck van hen besundert ende een voir/ al en(de) mits desen verantwerde(n) Voirtmeer/ heeft mijn hee(re) de deken voirs(creven) in ond(er)stande/ als voer innebracht ende geloeft alsulken/ elff en(de) een(en) halve(n) rinsgulden(en) lijfpen(sien) als hij/ te div(er)sen stonde(n) v(er)crege(n) heeft opde stadt/ van loven(e) dair altijt de voirs(creven) gerardt deen/ lijff aff es Ende de voirs(creven) h(er) gheert heeft/ innebracht en(de) geloeft in ond(er)stande desselfs/ de thien rinsgulden(en) lijftochte(n) die hij/ ov(er)langhe v(er)cregen heeft met scepen(en) brieve(n)/ van loven(e) voir djair van lxxxvii de/ sesse d(air)aff aen zeke(re) p(er)soene(n) dair mede/ ond(er) den ande(re)n voer staen denijs laukens/ ende arnt van rode ende dande(r) viere/ aen roelande van wezemale en(de) zijn borge(n)/ Voirts heeft de selve her gheert innebracht/ en(de) geloeft in ond(er)stande als voe(r) noch thien/ rinsgulden(en) lijfpen(sien) te xx stuv(er)s [tstuc] zwairder/ mu(n)ten nu loepen(de) die bynne(n) jairs valle(n)/ sulle(n) en(de) jairlijcx bij hem betaelt wordden/ en(de) heeft geloeft die te coepe(n) zekerlijck tot/ beyder toecomen(de) gehuyssche(n) live et sup(er)stit(is)/ eoru(n)dem ten lancxsten bynne(n) twee ja(r)en/ naistcomen(de) Ende van alle(n) den lijfpen(sien)/ voirs(creven) die noch ten live der voirs(creven) toecomen(de)/ brudegoms en(de) bruyt et sup(er)stit(is) niet en/ staen zulle(n) de voirs(creven) he(re)n deken ende/ her gheert en(de) oick die voirs(creven) henr(ick) vande(n)/ male innestaen een voir al dat die tot/ beyder der zelv(er) toecomen(de) gehuysschen/ live et sup(er)stit(is) eoru(n)d(em) gestelt sulle(n) wordde(n)/ ende dit oick ten lancxten bynnen/ twee ja(r)en naistcomen(de) uutgenome(n) de/ xi(½) rinsgulden(en) voirs(creven) d(air)af mijn hee(re) de/
//
deken ende her gheert geerne alle behulp/ doen zullen alsoe v(er)re alst in hen es mette(n)/ vriende(n) vander and(er) zijden om te verwerve(n)/ bijder stadt dat die opder selv(er) toecomen(de)/ gehuyssche(n) live et sup(er)stit(is) eoru(n)d(em) gestelt/ wordden Ende dit al en(de) elck besundert hebbe(n)/ de voirs(creven) he(re)n deken her gheert renu(n)cie(re)nde/ alle beyde tot allen desen en(de) tot elke(n) besund(er)t/ den p(ri)vilegien en(de) vrijheyd(en) der eerwerdig(er)/ univ(er)siteyt der stadt van loven(e) en(de) allen/ ande(re)n ind(er) best(er) formen lijsbeth crijckels henrick/ vanden male ende de toecomen(de) brudegom/ voirs(creven) en(de) elck van hen een voir al aldus/ innebracht v(er)obligeert ende geloeft henrico/ hanckart den vader der voirs(creven) toecomen(de)/ bruyt ende arnde hanckart zijne(n) brued(er)/ oem als magen en(de) vriende(n) der zelv(er) toecomen(de)/ bruyt in onderstande als voe(r) altijt te voldoene/ alsoe dat genoech zij ind(en) mate(n) en(de) manie(re)n/ als voe(r) Ende oft gebuerde dat de voirs(creven)/ toecomen(de) brudegom aflivich wordde voir/ sijn toecomen(de) bruyt zonder wettige gebuerte/ van huer acht(er) te laten dat zij dan voir huer/ duwarie hebben ende behoude(n) sal vive(n)twintich/ rinssche gulden(en) tsjaers hue(r) leefdage lanck/ vand(en) rinte(n) voirs(creven) ende tsurplus vande(n)/ selven rinten bove(n) de voirs(creven) duwarie/ sup(er)cresce(re)nde sal in dien gevalle wed(er)om/ toecome(n) totten gene(n) die de ghifte dairaff/ gedaen moegen hebben oft tot den hue(re)n/ oft dair zij dat and(er)ssins gedisponeert/ hadden Ter ander zijden hebben de voirs(creven)/ henricus en(de) sijn werdi(n)ne in onderstande/ vanden selve(n) huwelijcke innebracht en(de)/ geloeft t(er) stont te laten volgen den selven/ toecomen(de) gehuyssche(n) alsulke(n) thien hollansguld(en)/ erffelijck als der voirs(creven) yden zijnd(er) werdi(n)nen
//
bij wijlen hue(re)n voirman in testame(n)te tot hue(re)n/ wille te beke(re)n gemaect en(de) gelaten sijn aen/ ende op tgodshuys van vlierbeke ende alle/ de goede desselfs vanden twintich gelijcke(n)/ hollansgulden(en) erffelijck d(air)af dande(r) thiene/ alleene hue(re)n leefdach huer gelate(n) sijn bijd(en)/ selve(n) testame(n)te Ende t(er) meerd(er) zekerheyt/ van desen ghiften wederroepen en(de) revoce(re)n/ de selve gehuyssche(n) alsulke(n) legaet van testame(n)te/ als zij besundert van eene(n) rinsgulden(en)/ erffelijck uut dier rinten tande(re)n tijden/ gemaect moege(n) hebbe(n) en(de) des in dien in/ enig(er) manie(re)n desen soude moege(n) p(re)iudicie(re)n/ Item noch alsulken twee peet(er)s erffelijck als/ de selve gehuyssche(n) hebben tsinte pet(er)s rode/ den eene(n) aen aelbrecht tants goede ald(air)/ ende den ande(re)n aen pet(er)s taenhouts goede/ en(de) zijnd(er) medeplege(re)n Item noch eene(n) pet(er)/ erffelijck aen roelove wilen van berthem [Item] noch/ neghen rinsgulden(en) lijfpen(sien) op de demainen/ ons genad(ichs) he(re)n dair de stadt van loven(e)/ voe(r) v(er)obligeert es It(em) noch sesse pet(er)s lijf(pensien)/ aen meest(er) jan van pullerbosch dair symon/ h(er)mans en(de) meer ande(re) voir staen It(em) noch/ xxviii stuv(er)s lijfpen(sien) aen gheerde speelma(n)s/ woenen(de) te thiene(n) Ende van desen lijfpen(sien)/ voirs(creven) die noch ten live des voirs(creven) gerarts/ toecomen(de) brudegoms niet en staen hebben/ geloeft en(de) toegeseeght de selve gehuyssche(n)/ die tot beyde der voirs(creven) toecomen(de)/ gehuyssche(n) live et sup(er)stit(is) eoru(n)dem te stelle(n)/ bynne(n) twee ja(r)en naistcomen(de) ten lancxste(n)/ Ende oft de voirs(creven) toecomen(de) bruyt aflivich/ wordde voe(r) hue(re)n voirs(creven) toecomen(de) brudegom/ zond(er) wettige gebuerte van hem acht(er)/ te late(n) soe sal deselve toecomen(de) brudegom/ hebben en(de) behoude(n) voir sijn duwarie
//
twintich rinsgulden(en) tsjaers sijn leefdaghe/ lanck vand(en) rinte(n) van hue(re)r zijden innebracht/ ende tsurplus vande(n) rinte(n) voirs(creven) bove(n)/ de voirs(creven) duwarie sup(er)cresce(re)nde sal in/ dien gevalle wed(er)om toecome(n) totte(n) voirs(creven)/ henricu(m) en(de) zijnd(er) werdi(n)nen oft totten/ gene(n) dair zij dat gedisponeert hadden/ Ende oft gebuerde dat enige vanden/ rinte(n) voirs(creven) lijftochte(n) ende erffelijck va(n)d(en)/ eend(er) zijden oft vand(en) ande(re) afgequeten/ wordde(n) soe sulle(n) de pe(n)ninge(n) vand(en)/ selv(er) afquiti(n)ge(n) comen(de) wed(er)om aengeleeght/ wordde(n) t(er) selv(er) natu(r)en oft and(er)ssins totte(n)/ meeste(n) profijte der selv(er) toecomen(de) gehuyssche(n) en(de) hue(re)n kinde(re)n oft zij enige hadden altijt/ bij weten(e) en(de) consente van tween vanden/ naiste(n) vriende(n) van elker zijden Oick en/ sulle(n) de voirs(creven) toecomen(de) gehuyssche(n) egheene/ vande(n) voirs(creven) rinte(n) moege(n) v(er)thie(re)n noch/ v(er)sette(n) zonder weten(e) wille en(de) consente/ der zelver magen en(de) vrienden van beyde/ zijden noch enige quijtscellinge doen in/ toecomen(de) tijden desen in enig(er) manie(re)n/ p(re)iudicie(re)nde noch deen noch dande(re) Ende/ oft dair(af) yet t(er) contrarien gebuert wae(r)/ oft namaels gebuerde dat tselve gheen stat/ en sal moege(n) grijpen noch desen hynderlijck/ wesen alle fraude ende argelist uuytgesceyde(n) Item sulle(n) de voirs(creven) he(n)ricus en(de) sijn werdi(n)ne/ dyerste toecomen(de) jair de selve toecomen(de)/ gehuyssche(n) houde(n) van hue(re)n montcoste/ Ende mijn he(r)e de deken renu(n)cie(re)nde als/ voe(r) heeft geloeft inde stat van dien/ hen te transporte(re)n en(de) ov(er) tegeve(n) behoirlijck/ voir wet en(de) mits desen transporteert/ en(de) ov(er)geeft alsulke(n) hofstadt mette(n) goede
//
mue(re)n gestichte en(de) hove en(de) allen den/ toebehoirte(n) als gelegen es inde stadt/ van arschot bijd(en) kercke(n) ald(air) t(er) plaetss(en)/ geheete(n) bonewijt Ende t(er) meerd(er) zekerheyt/ van allen desen en(de) elke(n) besundert salme(n)/ de brieve(n) die van alle(n) den rinte(n) en(de)/ goeden sijn voirs(creven) [sijn] oft dieme(n) naemaels/ sal moege(n) maken mits v(er)anderingen/ oft afquiti(n)gen der zelv(er) altijt bringen/ stelle(n) en(de) laten beruste(n) ond(er) de wet te/ loven(e) op dat deselve gelufte(n) en(de) condicien/ te bat geacht(er)volght wordde(n) ende die/ van dair niet te transporte(re)n zonder/ weten(e) vande(n) twee naiste(n) vrienden/ in wed(er)zijde(n) cor(am) berghe donct maii/ vii