Item arnt collaes jan steylart ende gielis vande(n) kerchove/ alle drie woenen(de) te boomen in p(rese)ntia hebben genomen en(de)/ bekint genomen te hebben tegen baudewijne jorijs als procur(eur)/ ende rintmeest(er) vand(en) cap(it)len der nyeuwer fundacien/ van sinte pet(er)s te loven(e) de thiende vand(er) selv(er) cap(it)len/ die sij liggen(de) hebbe(n) ind(en) voirs(creven) prochien van boomen/ met huer(er) toebehoirte(n) Te houden ende te hebben van/ tsint jansmesse naistcomen(de) eene(n) t(er)mijn van sesse/ ja(r)en lanck vervolgen(de) Elcx jairs dae(re)nbynne(n) om ende/ voe(r) lxxii rinssche gulden(en) te xx stuv(er)s tstuck mu(n)ten/ telken t(er)mijne van betali(n)gen cours en(de) loop hebben(de)/ half te kersmesse ende half t(sin)t jansmesse jairlijcx/ te betalen(e) ende opden wissel van loven(e) te leve(re)n den/ voirs(creven) he(r)en oft hue(re)n procur(eur) in tijde(n) sijnde quol(ibe)t ass(ecutu)[m]/ van welker so(m)men de voirs(creven) thiendenaers gehoude(n) sullen/ sijn in afslage vand(er) selv(er) so(m)men jairlijcx te betalene/ den prochiaen aldair twintich rinsgul(den) te betalen(e) ten/ t(er)mijnen voirs(creven) met vorweerde(n) datmen den thiendenae(re)n/ voirs(creven) cortsel doen sal van hagelslaghe tempeeste en(de)/ gemeyne(n) orloghe gelijc den gebu(r)en boven en(de) benede(n)/ En(de) alle dese vorweerde(n) (et)c(etera) cor(am) scoenvorst h(er)meys junii t(er)cia