It(em) yde amele(n) werdinne jans crabbe cum tuto(r)e claes ende/ augustin crabbe bruede(re)n des voirs(creven) jans in p(rese)ncia hebbe(n) gekint/ wettelic vercocht te hebbene den pat(er) des godshuys vander/ halfstrate(n) tot behoef desselfs de porceelen van landen ende/ eygen(en) goeden naebescreve(n) toebehoiren(de) den voirs(creven) janne/ nu gevangen zijnde te weten(e) vier vie(re)ndeel lants gelegen/ onder winxele opt velt geheeten acht(er) den hoven tussche(n) de/ goede henricx de keyse(re) ter eend(er) zijden ende de goede der/ werdynnen claes opten berch ter ande(r) zijden Item noch een/ vie(re)ndeel lants dair bij gelegen op tzelve velt tusschen/[vacat]/ Bekinnen(de) hen dairaf wettelic vernueght te zijne tot behoef des/ voirscr(even) jans om hem d(air)mede te lossen(e) Geloven(de) tvoirs(creven) godsh(uys)/ altijt ter manissen den voirs(creven) janne comen zijnde goede guedi(n)ge/ ende vestich(eit) bijden zelve(n) janne te doen doen(e) alsoe dat den/ zelve(n) genoech zall moegen wesen Et sat(is) cor(am) berge nausnyde(re)/ junii xxv