Item pauwel bierman heeft gecleert bij zijne(n)/ eede dat hij met brieve(n) vand(er) stadt geweest/ heeft ind(er) stadt van dyest aen meeste(re)n claese/ van amst(er)da(m)me geleydt zijnde nae deser/ stadt recht totte(n) goede(n) have en(de) erve jans/ wijle(n) willems d(air)mede hem gecu(n)dicht es/ hoe die vande(n) mi(n)d(er)bruede(re)n in des(er) stadt/ willem van leefdale gorijs van dieven jan/ van colen en(de) jan van thiene(n) oick geleydt/ sijnde totte(n) selve(n) goede(n) v(er)socht hadde(n) aen de/ stadt om een ynde te maken vande(n) selve(n)/ beleyde wie van hen p(ro)cede(re)n soude te moege(n)/ come(n) tott(er) execucien en(de) beslichte van dien/ en(de) dat de selve meest(er) claes hier toe gedaeght/ en(de) geroepe(n) wordde alhier te compare(re)n oft/ procur(eur) te synden en(de) dat dat alsoe mette(n) selve(n)/ brieve(n) vand(er) stadt aen hem gescreve(n) es geweest/ en(de) dach dair toe gep(re)figeert en(de) besceyden/ werdt op ghiste(re)n te compare(re)n alhier inde/ banck voir meye(r) en(de) scepen(en) van loven(e) op alsoe/ lieve hij sijn recht in dien begeerde te besorge(n)/ en(de) dat deselve meest(er) claes dien brief gelesen
//
hebbende hem antwerde gaf dat hij te vrede(n)/ was dat dande(r) geleydde voirs(creven) procedeerde(n)/ hij hadde borge(n) dair hijs hem aen hielt/ en(de) dairaf hij meynde wel betaelt te wordde(n)/ dat hij oick met zijne(n) beleyde procede(re)n soude/ en(de) dan niet toe en quame soe wairt een/ dobble moeyte cor(am) berghe h(er)meys aprilis/ xxiii