Want jan van rosmer als procur(eur) m(ar)grieten/ swerts weduwe laureys wijle(n) rijkart/ geleydt zijnde nae des(er) stadt recht voir/ zijn wettich gebreck uuyt crachte van/ scepen(en) brieve(n) van loven(e) tot allen den/ goeden beyde have en(de) erve claes wijle(n)/ de scoemake(re) marien wijlen scosters zijnd(er)/ huysvrouwe(n) jans wijlen van tsoest/ ende henricx wijle(n) drabbe soe wair/ die gelegen zijn hem met brieve(n) van/ des(er) stadt gescreve(n) aen den meye(r) van/ bierbeke oft zijne(n) stadhoude(r) te weerde/ alle deselve goede behoirlijck heeft doen/ leve(re)n en(de) allen den ghene(n) hande aende/ selve goede hebben(de) dach van rechte oft/ zij hen dair tegen hadde(n) willen oppone(re)n/ doen besceyden te compare(re)n inde banck/ voe(r) meye(re) en(de) scepen(en) van loven(e) aldair
//
zij op heden als ten verstreken(en) daghe/ niet gecompareert en zijn noch procur(eur) van/ hue(re)n wegen hem dair tege(n) oppone(re)nde/ den voirs(creven) geleydden altijt compare(re)nde/ en(de) trecht voirt v(er)sueken(de) Soe hebben/ scepen(en) van loven(e) t(er) manissen smeyers nae dat hen bij rescripte jans crabbe meye(r)/ van bierbeke behoirlijck gebleke(n) heeft/ de voirs(creven) leveri(n)ghe en(de) dach besceydinge/ geschiet te sijne gewesen voir een vonnesse/ wair de wed(er)p(ar)tie des voirs(creven) geleydden/ niet en compareert ten opstaene smeyers en(de)/ d(er) scepen(en) datme(n) den selve(n) geleydden houd(en)/ soude inde macht van zijne(n) beleyde/ scepen(en) brieve(n) en(de) leveri(n)gen alsoe v(er)re alst noch/ voir scepen(en) comen es In scampno maii viii