Want jan ende gielis pescial gebruede(re)n geleydt zijnde nae/ des(er) stadt recht voir zijn wettich gebreck uuyt crachte van/ scepen(en) brieven van loven(e) tot allen den goeden beyde have/ ende erve jan [wijle(n)] pescial huers vaders wair die gelege(n) zijn/ hen met eene(n) oepen(en) brieve van des(er) stadt gescreven/ aen alle officie(re)n oft hue(re)n stedehoude(re)n alle de selve goede/ behoorlijck heeft doen leve(re)n [oft pauwelse bierman des(er) stadt bode in hueren name] ende den erfgename(n) des/ voirs(creven) wijle(n) jans huers vaders dach van rechte te compare(re)n/
//
inde banck voe(r) meye(r) ende scepen(en) van loven(e) oft zij tege(n)/ de voirs(creven) leveri(n)ge yet hadde(n) wille(n) allige(re)n doen besceyden/ te compare(re)n inde banck voe(r) meye(r) ende scepen(en) van loven(e)/ ald(air) zij niet en compareerde(n) noch en opponeerde(n) noch p(ro)cur(eur)/ van hue(re)n wege(n) den voirs(creven) geleydde(n) compare(re)nde en(de) trecht/ voirt v(er)sueken(de) Soe hebbe(n) scepen(en) van loven(e) t(er) manissen/ smeyers nae dat hen bij rapporte des voirs(creven) bode(n) behoirlijck/ hadde gebleke(n) de voirs(creven) execucie gesciet te zijne gewese(n) voir/ een vo(n)nisse datme(n) de voirs(creven) geleydde vande(n) voirscr(even)/ goeden houde(n) soude inde macht van hue(re)n voirs(creven) scepen(en)/ brieve(n) van loven(e) alsoe v(er)re alst noch voir scepen(en) come(n) es/ In scampno octobr(is) xxii