Want arnoldus van kets als geleydt na deser stadt/ recht voir zijn vittigh (wettich) gebreck uut crachte va(n) scepen(en)/ brieve(n) va(n) loven(e) tot allen den goede(n) beyde have/ en(de) erve jans wijle(n) vand(en) putte zoe wair die gelege(n)/ zijn hem oft pauwelse bierma(n) deser stadt bode in/ zijne(n) naeme met brieve(n) van deser stadt gescreve(n)/ aende(n) meye(r) van hee(re)nt oft zijne(n) stadthoudere/ te neerijssche alle de selve goede behoirlijc heeft/ doen leve(re)n ende d(er) weduwe(n) des voirs(creven) wijle(n)/ jans vande(n) putte dach van rechte bescheid(en) te/ compare(re)n inde banck voir meye(r) en(de) scepen(en)/ va(n) loven(e) oft zij huer d(air)tege(n) wille(n) hadde oppone(re)n/ ald(air) zij op hede(n) als ten v(er)streken(en) daige niet gecomp(ar)ee(r)t/ en is noch procuror van hue(re)n wege(n) hen d(air)tege(n)/ oppone(r)ende den voirs(creven) geleyd(en) altijt compare(r)ende/ en(de) trecht voirt v(er)suecken(de) Soe hebbe(n) scepen(en) va(n)
//
loven(e) ter manissen tsmeyers nae dat hen bij r(ap)poorte/ des voirs(creven) boeden behoirlijck gebleke(n) heeft de/ voirs(creven) leveri(n)ge inde dach besceydinge geschiet/ te zijne gewesen voir een vonnesse Wair de wed(er)/ p(ar)tie des voirs(creven) geleydde(n) niet en compareert ten/ opstaen(en) tsmeyers en(de) d(er) scepen(en) datme(n) de(n) selve(n)/ geleyden houden soude inde macht van zijne(n)/ beleyde scepen(en) brieve(n) en(de) leveri(n)ge(n) alzoe v(er)re/ alst noch voir scepen(en) come(n) es In scampno nove(m)br(is)/ xxviii