SAL7383, Akte: V°324.2-V°325.1 (485 van 716)
Akte V°324.2-V°325.1
Act
Datum: 1490-03-26
Transcriptie
2022-06-21 door Walter De SmetVand(er) questien geport voe(r) den raide vand(er)/
stadt tussche(n) lodewijck(en) baerts en(de) romboute(n)/
de vile peltiers t(er) eenre en(de) agneesen werdi(n)ne/
m(er)tens nackart en(de) ja(n)ne de weert inden/
name vande(n) wettige(n) kinde(re)n m(er)tens wijle(n)/
nackart des jongen die wettich sone was/
der voirs(creven) agneesen t(er) ande(re) om xxvi croene(n)/
te xxiiii stuv(er)s tstuck die de voirs(creven) peltiers/
eyschsten den selve(n) kinde(re)n wijle(n) m(er)tens/
gemerct dat zij p(rese)nteerde(n) te bewijsen den/
rechte genoech zijnde dat als adolf brugma(n)/
va(n) bruessele tegen henliede(n) coepe(n) woude
//
zeke(re) pelterien ende voir de voirs(creven) so(m)me van/ xxvi croene(n) zij hem die niet en hadde(n) wille(n)/ borge(n) den tijt van xiiii nachten die hij dair/ toe begeerde ten wae(re) dat de voirs(creven) m(er)ten/ de jonge d(air)bij zijnde ende middele(n) vand(en)/ selv(en) coma(n)scap wesende d(air)voe(r) sprake en(de)/ v(er)antwerdde (et)c(etera) Dairtegen de voirs(creven) agneese/ ende jan de weert inde(n) name als voe(r)/ antwerden(de) ontkinden tselve bijleggen soe/ v(er)re dat de voirs(creven) lodewich ende rombout/ d(air)op tot hue(re)n thoene gewijst zijnde m(er)kelijc/ gethoent hebben met twee wettige p(er)soenen/ dair bij wesen(de) dat de selve wijlen m(er)ten dair/ voe(r) gesproken en(de) v(er)antwert heeft ende noch/ met vijf ande(re)n wettige(n) p(er)soene(n) dat zij den/ selve(n) wijlen m(er)ten(en) den jonge(n) selve(n) hadden/ hoiren seggen kenne(n) ende lijden dat hij dair/ voe(r) gesproken hadde Es uutgesproken voir/ recht dat de kinde(re)n en(de) erfgename(n) des/ voirs(creven) wilen m(er)tens en(de) hue(r) goede gehoude(n)/ souden zijn den voirs(creven) lodewijcke en(de) romboute/ van des voirs(creven) steet te voldoene en(de) te vrede(n)/ te stellen nae dat de voirs(creven) wairheit gedrage(n)/ heeft Nae den welke(n) nyeuwe questie tussche(n)/ hen geport es omd(er) valuacien wille vande(n)/ pe(n)ningen vanden voirs(creven) xxvi croenen dair/ de voirs(creven) agneese en(de) jan inden name als/ voe(r) meynden te gestaene met licht(en) mu(n)ten/ so die cours hadden ten tijde vand(en) coman/ scapen die wed(er)p(ar)tie t(er) contrarien sustine(re)nde/ te voirde(r) want men ov(er) hadde laten gaen/ de maent bynne(n) der welk(en) men met licht(en)/ mu(n)ten hadde moege(n) gestaen Ende aldus
//
es hierop vercleert ende uuytgesproken/ nae dien dese questie voirs(creven) tot noch toe/ oncleer geweest heeft en(de) nu yerst gecleert/ en(de) gedecideert es dat de selve kinde(re) gestae(n)/ zullen te betalen(e) de voirs(creven) so(m)me met pe(n)ninge(n)/ nu cours hebbende ten sulke(n) prijse ende/ valeure als die stonde(n) ten tijde vand(en)/ come(n)scap behalve(n) dat de selve kinde(re)n/ dair onder gheen pe(n)ningen en sullen moge(n)/ geven dair meer dan de twee derde(n)deele(n)/ verlies aen en es en(de) dat tusschen dit/ en(de) tsinxen(en) naistcomen(de) In cons(ili)[o] opidi/ martii xxvi
//
zeke(re) pelterien ende voir de voirs(creven) so(m)me van/ xxvi croene(n) zij hem die niet en hadde(n) wille(n)/ borge(n) den tijt van xiiii nachten die hij dair/ toe begeerde ten wae(re) dat de voirs(creven) m(er)ten/ de jonge d(air)bij zijnde ende middele(n) vand(en)/ selv(en) coma(n)scap wesende d(air)voe(r) sprake en(de)/ v(er)antwerdde (et)c(etera) Dairtegen de voirs(creven) agneese/ ende jan de weert inde(n) name als voe(r)/ antwerden(de) ontkinden tselve bijleggen soe/ v(er)re dat de voirs(creven) lodewich ende rombout/ d(air)op tot hue(re)n thoene gewijst zijnde m(er)kelijc/ gethoent hebben met twee wettige p(er)soenen/ dair bij wesen(de) dat de selve wijlen m(er)ten dair/ voe(r) gesproken en(de) v(er)antwert heeft ende noch/ met vijf ande(re)n wettige(n) p(er)soene(n) dat zij den/ selve(n) wijlen m(er)ten(en) den jonge(n) selve(n) hadden/ hoiren seggen kenne(n) ende lijden dat hij dair/ voe(r) gesproken hadde Es uutgesproken voir/ recht dat de kinde(re)n en(de) erfgename(n) des/ voirs(creven) wilen m(er)tens en(de) hue(r) goede gehoude(n)/ souden zijn den voirs(creven) lodewijcke en(de) romboute/ van des voirs(creven) steet te voldoene en(de) te vrede(n)/ te stellen nae dat de voirs(creven) wairheit gedrage(n)/ heeft Nae den welke(n) nyeuwe questie tussche(n)/ hen geport es omd(er) valuacien wille vande(n)/ pe(n)ningen vanden voirs(creven) xxvi croenen dair/ de voirs(creven) agneese en(de) jan inden name als/ voe(r) meynden te gestaene met licht(en) mu(n)ten/ so die cours hadden ten tijde vand(en) coman/ scapen die wed(er)p(ar)tie t(er) contrarien sustine(re)nde/ te voirde(r) want men ov(er) hadde laten gaen/ de maent bynne(n) der welk(en) men met licht(en)/ mu(n)ten hadde moege(n) gestaen Ende aldus
//
es hierop vercleert ende uuytgesproken/ nae dien dese questie voirs(creven) tot noch toe/ oncleer geweest heeft en(de) nu yerst gecleert/ en(de) gedecideert es dat de selve kinde(re) gestae(n)/ zullen te betalen(e) de voirs(creven) so(m)me met pe(n)ninge(n)/ nu cours hebbende ten sulke(n) prijse ende/ valeure als die stonde(n) ten tijde vand(en)/ come(n)scap behalve(n) dat de selve kinde(re)n/ dair onder gheen pe(n)ningen en sullen moge(n)/ geven dair meer dan de twee derde(n)deele(n)/ verlies aen en es en(de) dat tusschen dit/ en(de) tsinxen(en) naistcomen(de) In cons(ili)[o] opidi/ martii xxvi
Nagekeken door: Jan Boncquet
Moderator: Jan Boncquet
Laatste update:: 2017-01-17 door Xavier Delacourt