Item machiel scribaen ende jan van colen als meest(er)s/ vand(en) huysarmen d(er) prochien van sinte pet(er)s te loven(e)/ jan huene en(de) gorijs en(de) gorijs vand(en) vynne als/ meest(er)s vand(en) huysarme(n) d(er) p(ro)chien van s(in)[t] g(er)truyde(n)/ en(de) mathijs van thuydeke(m) als meest(er) vand(en) huysarme(n)/ d(er) p(ro)chien van s(in)t jacops opde biest te loven(e)/ in p(rese)ntia hebben gekint en(de) gelijdt dat hen/ marie weduwe augustijns wijle(n) van colen/ gecontenteert heeft en(de) te vreden gestelt mits/ der guedinge(n) vand(er) tocht en(de) ov(er)leveringe(n)/ vand(en) erfbrieve(n) van alsulke(n) sesse crone(n) erflijc/ als deselve augustijn tande(re)n tijde(n) te wete(n)/ a(n)no lxxxt(er)cio aprilis xiiii vercreech voir de/ selve huysarme te nae sijn en(de) sijnd(er) voirs(creven)/ werdynne(n) doot yerst te heffen aen ende op/ een huys en(de) hoff mette(n) torre en(de) den toebehoirte(n)/ roelofs wijle(n) van beerthe(m) en(de) jouffr(ouwen) lijsbette(n)/ hofmans zijnd(er) weerdynne(n) gelegen inde/ profstraet opde(n) hoirck vand(en) cattestrate(n) tussche(n)/ deselve cattestrate t(er) eend(er) en(de) de goede goerts
//
wijlen roelofs t(er) ande(re) dair(af) den voirs(creven) meest(er)s/ vand(en) huysarmen van sinte pet(er)s de principale/ brieve(n) vand(en) selve(n) sesse crone(n) erflijc mette(n) vidi(m)[(us)]/ uut roelofs oude brieve(n) vand(en) v(er)crige vand(en) selve(n)/ huyse en(de) erve met loote gebleve(n) sijn en(de) den meeste(re)n/ vand(en) huysarme(n) vand(en) ande(re)n prochien de vidim[(us)]/ uute(n) selve(n) erfbrieve van sesse crone(n) gevalle(n) sijn en(de)/ aengeleet Scelden(de) d(air)o(m)me deselve meest(er)s volcomelic/ quite d(er) selv(er) weduwe(n) den voirs(creven) wijle(n) augustijne/ sijn en(de) hue(r) goed(en) vand(en) voirs(creven) sesse crone(n) erflijc/ en(de) van al tgene dat de selve wijle(n) augustijn/ en(de) sij den selve(n) arme(n) d(air) inne geout en(de) gelaten/ hebben Promitten(tes) nullate(n)[(us)] alloqui op vuege en(de)/ condicie eve(n)verre de selve rinte(n) namaels afgequijt/ wordde(n) dat de voirs(creven) meest(er)s vand(en) huysarmen/ d(er) voirs(creven) drie prochien elc d(er) selv(er) p(ro)chien sijn twee/ crone(n) erflijc wed(er)om altijt t(er) selv(er) natue(re)n sulle(n)/ mote(n) aenlegge(n) om alle sondaige d(air)af in elck(en)/ p(ro)chien navolgen(de) den voirs(creven) brieve(n) eene(n) stuv(er)/ den selven arme(n) gegeve(n) en(de) gedist(ri)bueert te werdde(n)/ erflick cor(am) berghe donct aprilis xix