Item margriete switten weduwe jans wijle(n)/ smoers in p(rese)ntia heeft geconsenteert en(de) gewillecoirt/ en(de) mits desen consenteert en(de) willecoirt dat joes/ de moer brued(er) des voirs(creven) wile(n) jans en(de) yde moers/ sijn zust(er) van nu voirtaene hebbe(n) en(de) aenveerde(n)/ sulle(n) alle alsulke(n) erffelike(n) goede(n) als de voirs(creven)/ weduwe van wege(n) des voirs(creven) wile(n) jans/ huers mans tochtelijck besitten(de) es en(de) ande(r) die/ sij tsame(n) in volle(n) stoele vercrege(n) moege(n) hebbe(n)/ om die bij hem te gebruycke(n) en(de) te rege(re)n en(de) de jair/ lijcxsche profijte(n) d(air)af comen(de) te trecke(n) behalve(n) dat/ zij d(air)tege(n) oick de co(m)me(re)n en(de) laste(n) dair uut gaen(de)/ jairlijcx afdoen sulle(n) Ende dit soe langhe als/ de voirs(creven) weduwe leve(n) sal en(de) niet lange(r)/ Ende dat nae de doot vand(er) selve(r) weduwe(n)/ alle deselve goede wed(er) toecome(n) sulle(n) op linke(n)/ smoers der voirs(creven) gehuyssche(n) docht(er) als gerechte
//
erfgename van dien oft in gevalle van hue(re)r/ aflivich(eit) den naiste(n) erfgename(n) vand(en) voirs(creven) ge/ huyssche(n) soe die naed(en) lantrechte sculdich sulle(n)/ sijn te gaene Promitt(ens) rat(um) cor(am) duffle hoeve(n)/ augusti xxviii