Nae dien dat jan wigg(er)s ende henr(ic) loets/ als kercmeest(er)s van lynden den borg(er)meest(er)/ arnde vande(n) hove en(de) enigen vande(n) raide/ gethoent hebbe(n) eene(n) scepen(en) brief van loven(en)/ vande(n) jae(r) duysent vierhond(er)t xxvii p(ri)ma/ julii d(air)mede jan du(n)nemelck en(de) arnt van/ molle tot behoef der fabrijcke(n) der selv(er) kercke(n)/ van lynden voir eene erf wecemesse ald(air)/ gecelebreert te wordden gegoet woordde(n) bij/ he(re)n henr(icke) van brabant prieste(r) in ond(er)halve(n)/ rinsgulden(en) erffelijck te kersmesse vallen(de) die/ deselve her henr(ic) hadde op huys en(de) hof mette(n)/ toebehoirte(n) roelofs cappellema(n)s inde steenstrate/ tussche(n) de goede jans wile(n) smachs en(de) jans/ vande(n) berghe ende oick in eene(n) halve(n) rins/ gulden(en) erffelick die deselve h(er) henr(ic) hadde/ op huys en(de) hof met sijnd(er) toebehoirte(n) arnts/ vand(er) biest gelege(n) sinte qui(n)tens inde strate/ geheete(n) wayenberch tussche(n) de goede arnts/ vande(n) save(.)poele? t(er) eenre en(de) arnts vanden/ savelpoele des jonge(n) sijns soens In welke/ erfrinte deselve h(er) henr(ic) sijn tocht behoud(en)/ hadde sijn leefdaghe lanck welke(n) scepen(en)/ brief voirs(creven) hoe wel de voirs(creven) kercke van/ dier rinten soe zij dat ofts behoefde p(rese)nteerde(n)/ te bewijsen in possessien was alsoe in d(er) selv(er)/ kercken com die op vochte plaetsse gestaen/ hadde soe bedorve(n) en(de) v(er)rot was dat de sterte(n)
//
vande(n) zegele(n) en(de) den selve(n) brief en(de) de l(ette)ren van/ dien hen selve(n) etende zee(r) v(er)gaen was alsoe/ datme(n) d(air)aene in corte(n) tijden gheen bescheyt/ en soude conne(n) bevinde(n) bidden(de) om refor(ma)cie/ op dat de kercke bij gebrecke van dien in/ toecomen(de) tijden des huers niet en wordde/ beroeft Es op heden aengehoirt bij eede/ twee wettighe ma(n)nen van lynden te weten(e)/ ja(n)ne de decke(re) en(de) steven(en) van ermeghe(m)/ scepen(en) van lynde(n) die cleerde(n) dat hen/ wel kenlijc was dat de kercke vande(n)/ selve(n) rinten alnoch was in possessien en(de)/ dat zij die noch hadde opde selve pande/ en(de) alsoe es den selve(n) kercmeest(er)s geco(n)stuteert/ reformacie van dien bij hove borg(er)meest(er)/ op alsoe dat den selve(n) gereformeerden/ brief den tijt van twee jae(re)n hier nae/ blive(n) soude berusten(de) ond(er) de wet alhier/ in dien de besitt(er)s vande(n) ond(er)pande voirs(creven)/ allige(re)n woude(n) dae(re)nbynne(n) dat die rinte(n)/ gelost wae(re)n septembr(is) xiii