Want eel wout(er) ha(n)nensone als poirte(r) van des(er) stadt/ hem met des(en) brieve gescreve(n) aenden schouth(eyt) van/ kempelant oft zijne(n) stedehoude(r) tyerssel heeft doen/ ontslaen en(de) uutscrive(n) uut(er) hachten en(de) vroente(n) dair/ hij inne gestelt was en(de) den selve(n) scouth(eyt) en(de) stedehoude(r)/ oft ande(re) die hem van haeff(lijken) optichte(n) oft actie p(er)sonele/ die zij hem eysschen(de) mochte(n) sijn dach van rechte/ in dien oft zij hem d(air)aff yet eyssche(n) woude(n) hadde/ doen beteeken(en) op heden alhier voir meye(r) en(de) scepen(en)/ van loven(en) te compare(re)n en(de) deselve poirte(r) selve niet/ gecompareert en es ja(n)ne wille(m) jordenssone ind(en)/ name vand(er) vrijheyt van yerssel compare(re)nde te/ rechte p(rese)nte(re)nde den voirs(creven) brieff van uutscriven(en)/ doende lesen en(de) trenvoy versueken(de) wair de poirte(r)/ niet en quame Soe hebben de scepen(en) [van loven(en)] ind(en) saken/ gemaent gewijst met vonness(en) geliefde den/ selve(n) ja(n)ne wille(m) jordenssone sijn p(rese)ntacie te doen/ teeken(en) dat hij dat doen mochte en(de) hadde hij/ voirde(r) gebreck dat hij ghinck aende(n) borg(er)meest(er)/ in scampno cor(am) om(n)ib(us) scabinis dempt(is) duffle/ pynnock septembr(is) xvi