Vand(en) stoote questien en(de) gescillen wesen(de) tusschen/ will(em)me lobbe t(er) eenre en(de) ja(n)ne van espent t(er) ande(r) zijd(en)/ uuyt saken vand(en) comenscape(n) die deselve jan gedaen/ heeft teghen jouffr(ouwe) m(ar)griet(en) weduwe ghijsbrechts/ wijlen lobbe van zeke(re)n goeden behoe(re)nde totte(n) hove/ en(de) goed(en) ter hadocht wijlen desselfs ghijsbrechts en(de)/ den condicien consente toeseggen(de) oft gelufte(n) die de/ selve jan inde selve comenscape oft dair voe(r) oft/ d(air)nae gedaen soude hebben oft laten bevoirweerd(en)/ als dat hij den selve(n) willem(me) soude laten de/ naiste d(air)aff zijn soe wa(n)neer hij hem sijn pe(n)ninge(n)/ d(air)aff opleyde het wa(r)e bynne(n) eend(er) maent oft bynne(n)/ twee oft drie oft bynne(n) eene(n) halve(n) jae(r) des deselve/ willem hem wairheid(en) vermet en(de) dwelck hem jan/ ontkint en(de) des dien aencleeft hebben hen de selve/ p(ar)tien gesubmitteert in segge(re)n en(de) mynlijcke yeffene(re)n/ te weten(e) de voirs(creven) willem in hugen van udeke(m)/ en(de) joh(ann)ese vasont en(de) de voirs(creven) jan in henricu(m)/ hanckart en(de) ja(n)ne van udeke(m) in sulck(er) vuege(n)/ dat de segg(er)s hen informe(re)n sulle(n) en(de) wairheyt/ hoe(re)n vande(n) voirs(creven) getuyge(n) die van des voirs(creven) steet/ soud(en) moege(n) weten te spreke(n) en(de) d(air)entynde(n) dairaff/ hue(r) uuytsprak(en) doen bynne(n) xiiii nachte(n) naistcomen(de)/ Promitten(tes) rat(um) Ende oft e(n)nige p(ar)tien segge(re) gebrak(en)/ dat zij ande(re) luden in die stat sulle(n) moege(n) neme(n)/ cor(am) duffle buetsele septembr(is) xviii