Want libertus jacobi als man ende momboir jouffr(ouwe)/ joha(n)ne(n) lobbe weduwe anthonijs wijle(n) lenart/ die [welke wijle(n) anthonijs] h(ier) voirmaels in sijne(n) leven(en) geleydt es geweest/ nae des(er) stadt recht voir sijn wettich gebreck uut/ crachte van scepen(en) brieve(n) van loven(en) ond(er) den ande(re)n/ tot allen den goeden have en(de) erve jehan de huesdam/ hee(re) te roux miroir en(de) ernoul de mont soe wair die/ gelegen sijn hem met [eene(n) open(en)] brieve van des(er) stadt gescreve(n)/ aen alle officie(re)n oft hue(re)n stedehoude(re)n alle deselve goede/ behoirlijck heeft doen leve(re)n en(de) de voirs(creven) jehan en(de) ernoul/ dach van rechte te compare(re)n inde banck voir meye(r)/ en(de) scepen(en) van loven(en) doen besceyden oft zij hen d(air)tege(n)/ hadden wille(n) oppone(re)n Aldair zij op heden als/ ten verstreken(en) daighe niet gecompareert en zijn/ noch procur(eur) van hue(re)n wegen hem d(air)tegen oppo/ ne(re)nde de voirs(creven) libertus ind(en) name als bove(n)/ altijt compare(re)nde en(de) trecht voirt versueken(de) Soe/ hebben scepen(en) van loven(en) t(er) manissen smeyers nae dat/ hen bij rapporte thiebouts steenweghs d(er) stadt/ bode behoirlijck gebleken heeft de voirs(creven) leveri(n)ge/ en(de) dach besceydinge geschiet te sijne bijden meye(r)/ van roux miroir gewesen voir een vonnesse Wair/ de wed(er)p(ar)tie des voirs(creven) librechts niet en compareert/ ten opstaen(e) smeyers en(de) d(er) scepen(en) datmen den selve(n)/ librechte ind(en) name als bove(n) houd(en) soude inde/ macht van sijne(n) beleyde scepen(en) br(ieven) en(de) leveri(n)ge(n)/ alsoe v(er)re alst noch voir scepen(en) comen es In sca(m)pno/ septembr(is) ultima