Want jaspar van ov(er)wynghe als geleydt nae/ des(er) stadt recht voir sijn wettich gebreck uut crachte/ van scepen(en) brieve(n) van loven(en) tot allen den goed(en)/ beyde have en(de) erve gheerts cleynwerck soe wair/ die gelegen sijn hem met brieve(n) van des(er) stadt/ gescreve(n) aenden meye(r) van vilvoirden oft sijne(n)/ stadhoude(r) te leefdale alle deselve goede behoirlijck/ heeft doen leve(re)n en(de) doen versueken de hand(en) te/ doen lichten alle de ghene die hem de bringer/ vanden selven brieve noemen soude oft doen noeme(n)/ en(de) de(n) selve(n) dach van rechte te besceyden(e) oft zij/ hen tegen deselve leveringhe oppone(re)n woud(en)/ tot welken daighe niemant gecompareert en/ is ende de voirs(creven) geleyde trecht voirt versocht/ Soe verre dat [de] scepen(en) van loven(en) ter manissen/ smeyers nae dat hen bij rescripte jacops van/ kilsdonck smeyers van leefdale voirs(creven) behoirlijck/ gebleken heeft dexecucie bij hem gedaen te/ sijne ende allen p(ar)tien dach besceyden te wesen(e)/ nae inhoudt vande(r) selve(r) missiven gewijst/ hebben met vonnesse datmen den geleydden/ houden soude inde macht van sijne(n) beleyde/ scepen(en) brieven ende leveringen alsoe verre/ alst noch voir scepen(en) comen is In scampno/ octobr(is) xii