Op heden inde banck voe(r) meye(r) en(de) scepen(en) van loven(en)/ is gecompareert h(er) arndt crainbout p(ri)est(er) ind(en) name/ en(de) van wegen d(er) kinde(re)n vrancx hem p(rese)nte(re)nde/ te rechte en(de) aen te spreken ja(n)ne m(ar)chant onsen/ poirte(r) die hem met zeke(re) brieve(n) van des(er) stadt/ uuytgescreve(n) hadde aen den meye(r) van vilvoird(en)/ oft zijne(n) stadhoude(r) d(air)aff den dach als op heden/ dienen(de) was nae uutwijsen vand(en) selve(n) brieve(n)/ die de voirs(creven) h(er) arndt exhibeerde versueken(de)/ wair de wed(er)partie niet en compareerde dat/ hij inden name als voe(r) gere(n)voyeert soud(en) werdd(en)/ t(er) plecken dair die sake begonden was te weten(e)/ te vilvoirde(n) voirs(creven) p(rese)nte(re)nde h(ier) voirts te vae(re)n op/ dat de voirs(creven) poirt(er) compareerde ald(air) de selve/ niet en qua(m) Ende es alsoe gewesen t(er) manissen/ smeyers gelieft den voirs(creven) he(re)n arnde zijn p(rese)ntacie/ te doen theeken(en) dat hij dat doen mach en(de) heeft/ hij d(air)entinden e(n)nich voerd(er) gebreck dat hij dat/ versueke aenden borg(er)meest(er) In scampno octobr(is)/ xxi