SAL7384, Act: R°245.2-V°245.1 (452 of 1044)
Search Act
previous | next
Act R°245.2-V°245.1  
Act
Date: 1490-12-10

Transcription

2019-06-23 by fernand BERTRAND
Nae dien dat comen sijn te div(er)sen stonden bijde(n) raide/
vand(er) stadt aelbrecht tants mette(n) mo(m)boirs vand(en) grote(n)/
heylige(n)geeste geven(de) ald(air) te kenne(n) de tacht(er)heyd(en) die sij/
hadden aen ende op willem(me) ph(ilip)s wyn vand(en) selve(n)/
heylige(n)geest vand(en) goed(en) te boeslynthe(r) gelege(n) vand(er)/
pechti(n)gen d(er) selv(er) goed(en) bij he(m) alhier voir scepen(en) genome(n)/
D(air)aff zij tsamen tot div(er)sen stonden hadden ge(re)kent/
ende wae(re)n in dien genoech ov(er)comen vand(en) resten/
ende tacht(er)heyden die deselve willem ph(ilip)s totte(n) jae(r)/
voirleden excluys tacht(er) mochte wesen te weten(e) in/
greyne lxv mudde(n) vii mol(evate) ende in gereede(n) pe(n)ni(n)g(en)/
die so(m)me van xliii rinsguld(en) bege(re)nde dairaff/
betaelt te sijne aengesien dat zij d(air)aff t(er) p(rese)ntien/
vand(en) voirs(creven) mo(m)boren en(de) gedeput(eer)den vand(er)/
stadt met he(m) ov(er)comen wae(re)n ende hij geloeft/
hadde die so(m)me te betalen zond(er) d(air) yet tege(n) te/
seggen d(air)tegen de voirs(creven) willem ph(ilip)s met zijne(n)/
borge(n) weygeri(n)ge ende vertreck maecte seggende/
dat hij ind(er) selv(er) so(m)men verlast soude sijn nade/
scad(en) ende lasten die hij geleden mocht hebben/
bege(re)nde datme(n) alnoch gedeput(eer)de geve(n) woude/
om in dien te ov(er)comen ende malcande(re)n naird(er)/
te verstaene dwelck alsdoen den selve(n) p(ar)tien gelast/
es te weten(e) te vergade(re)n bynne(n) acht daige(n) doen/
naistcomen(de) om t(er) p(rese)ntien vand(en) mo(m)bo(r)en nairde(r) te v(er)lijcke(n)/
op dat doenlijck wa(r)e Ende es tselve alsoe gebuert/
te weten(e) de voirs(creven) vergaderinghe in welk(er) verga/
deringe(n) zij niet veraccoerdeert en sijn come(n)de alsoe
//
wed(er)om bijde(n) raide beyde de p(ar)tien bliven(de) de voirs(creven)/
mo(m)boirs bij hue(r) voirs(creven) geeyschste scult om die bij hem/
opgeleet te wordden te voirde(r) want die van vo(r)e/
den tijde vand(er) lest(er) orloge(n) verschene(n) ende gevalle(n)/
wae(re)n te weten(e) vand(en) jae(re)n lxxxvii ende lxxxviii/
Es geappointeert nae dat genoech gebleke(n) heeft/
ende oick bijden selve(n) willem(me) ph(ilip)s genoech bekint/
es de voirs(creven) rekeni(n)ge gesciet te sijne bijden mo(m)boirs/
ende gedeput(eer)den die tselve oick alsoe genoech/
cleerden dat de voirs(creven) aelbrecht ind(en) name vand(en)/
heylige(n)geest met zijne(n) bescheyde vand(en) pechtinge(n)/
bij willem(me) ph(ilip)s ende sijne(n) borge(n) geschiet sal voirt/
vae(re)n opde selve p(er)soene(n) oft hue(r) goede nae des(er)/
stadt recht alsoe zijne(n) raidt gedrage(n) sall om de/
selve gerekende sculd(en) d(air)aen te verhalen Act(um) in/
cons(ili)[o] opidi decembr(is) x
ContributorsGreet Stevens
Moderated byGreet Stevens
Last update: 2014-09-03 by Dieter Peeters