SAL7384, Act: R°247.1 (455 of 1044)
Search Act
previous | next
Act R°247.1  
Act
Date: 1490-12-11

Transcription

2019-07-01 by fernand BERTRAND
Nae dien henrick van bollenberghe inde banck voir meye(r)/
ende scepen(en) van loven(en) met sijne(n) gelev(er)d(en) voirsprake heeft/
doen opdoen hoe hij ja(n)ne vand(er) hulst van aerschot/
hadde doen beclagen voe(r) de so(m)me van vijftich rinsguld(en)/
ende dat hij tot hem te seggen hadde p(rese)nte(re)nde de/
selve clachte te bewijsen nae recht met vorst(er)s ende poirt(er)s/
ende sustine(re)nde wair hij dat conste gedoen dat hem/
deselve vand(er) hulst gem(er)ct dat hij nyet en compareerde/
vand(er) selv(er) clachte(n) bij scepen(en) vonness(en) t(er) manissen smeyers/
v(er)reyct soude werdden gewijst ende deselve henrick/
h(ier)op bij vonnesse van scepen(en) t(er) manissen smeyers tot sijne(n)/
thoene gewijst sijnde deselve clachte alsoe voe(r) deselve/
so(m)me gesciet sijnde volcomelijck gethoent heeft met/
joese peysman vorste(r) reyne(re) borreman ende woute(re)n broeckma(n)/
poirt(er)s alsoe dat deselve scepen(en) ten versueke des voirs(creven)/
henricx voirt gemaent gewijst hebben vonneslijck den/
voirs(creven) vand(er) hulst vand(er) selv(er) clachten v(er)reyct in scampno/
cor(am) om(n)ibus dempt(is) pynnock kersmake(re) decembr(is) xi
ContributorsGreet Stevens
Moderated byGreet Stevens
Last update: 2014-09-03 by Dieter Peeters