Nae dien costin abeloy als poirte(r) vand(er) stadt met brieve(n)/ d(er) selv(er) stadt gescreve(n) aende(n) meye(r) vand(er) helpen hadde/ doen ontraste(re)n twee p(er)de die ald(air) ten versueke/ jans rogge voir schult die de selve jan hem sculdich/ was gerasteert wae(re)n ende den selve(n) janne alhier/ dach hadde doen beteeken(en) op heden dienen(de) soe dat/ bijde(n) selve(n) brieve blijct opdat hij hem yet hadde/ wille(n) eyssche(n) ende deselve poirte(r) nochtan selve/ niet gecompareert en es noch zijne(n) beteeken(en) dach/ gehoude(n) en heeft ende de voirs(creven) jan hem te rechte/ tege(n) den selve(n) poirte(r) niet compare(re)nde gep(rese)nteert/ heeft ende trenvoy versocht Soe hebben de scepen(en)/ van loven(en) d(air)op gemaent sijnde gewijst met vonnesse/ gelieft den selve(n) janne sijn p(rese)ntacie te doen teeken(en)/ dat hij dat doen mach ende heeft hij voirde(r)/ gebreck dat hij dat versueken mach aenden/ borg(er)meester In scampno decembr(is) xxiii