Item jacop frissens briede(r) in p(rese)ntia heeft gehuert/ en(de) bekint gehuert te hebbe(n) tegen henricke vliege/ nu t(er)tijt meye(r) te grymbergen als man ende/ momboir van katlijne(n) my(n)ni(n)cx sijnd(er) huysvr(ouwe)/ weduwe jans wijle(n) vand(en) wesenhage(n) huers/ lestemans de ca(m)me geheete(n) den gulden(en) aer/ gelegen te loven(e) inde cortstrate Te houde(n) te/ hebben te gebruycke(n) ende te besitten van kersmesse/ lestleden eene(n) t(er)mijn van drie jae(re)n lanck due(re)nde/ deen nae dander zond(er) middel v(er)volgen(de) Elcx/ jairs dae(re)nbynne(n) om en(de) voe(r) tweenveertich rinsg(u)ld(en)/ te twintich stuv(er)s tstuck tres pl(a)c(cas) pro stufe(r)o deen/ hellicht d(air)aff tsint jansmesse en(de) dand(er) hellicht/ te kersmesse te betalen(e) den voirs(creven) henr(icke) vlieghe/ en(de) sijnd(er) huysvrouwen jairlijcx den voirs(creven) t(er)mijn/ due(re)nde quol(ibet) ass(ecu)[tu(m)] d(air)aff deen hellicht valle(n)/ sal tsint jansmesse naistcomen(de) Es conditie/ dat de voirs(creven) p(ar)tien een half jair voe(r) duytgaen/ vande(n) voirs(creven) t(er)mijne malcande(re)n seggen zulle(n)/ hue(re)n syn vand(en) toecomen(de) tijde de voirs(creven) ca(m)me/ alnoch te houden oft te laten Es voirt vorw(er)de/ dat jacop de vate(n) en(de) cuype(n) vand(en) voirs(creven) ca(m)me(n)/ laten sal ten ynde van zijne(n) t(er)mijne gelijck/ men hem die gelev(er)t heeft behalve(n) den ketel/ een broucuype een beghiet cuype en(de) den groote(n)/ back dairmen de wertte opsedt de welke de/ voirs(creven) henr(ick) en(de) sijn huysvr(ouwe) tot sijne(n) coste en(de)/ laste ond(er)houden moet It(em) hiernae volghet tgene/ dat de voirs(creven) henr(ick) den voirs(creven) jacoppe gelev(er)t/ heeft Inden yersten een ond(er)vat tott(er) broucuype(n)/ een onsetvat een vat van eend(er) amen eene(n) tymps/ drie stuycma(n)den drie ruerriecken een groote/ vierscuppe een stoecgaffel een lange goete d(air)men/ mede bort een ketelgoete twee ande(re) goete(n) een/ lange goete inden kelder en(de) een cortte goete oick/ vijff groote vaten tstuck van i[½] amen xiiii amen/ een half ame vii meetvaten een lanck meetvat/ met eene(n) scoeye eene(n) loesen bodem d(air)inne/ een metale(n) pot gemet een waelpot gemet
//
eene(n) metalen trechte(r) eene(n) tontrechte(r) vier/ stellinge(n) ind(en) kelder vier dre(n)ckers tafelen/ de twee bove(n) ende de twee benede(n) en(de) de/ bancke(n) nagelvast d(air)toe behoirende twee bancke(n)/ inde neercame(r) een scaprade inde coken(e) van/ scrijnhoute een besloten wi(n)tercoetse bove(n) de/ neercame(r) een drechoir d(air)bij It(em) es conditie dat/ de voirs(creven) henrick sal moege(n) indoen in sijne(n)/ keld(er) vand(en) huyse naist den aer staen(de) doir den/ keld(er) en(de) den trappen vand(en) aer en(de) oick uutdoen/ groote vaten behalve(n) dat henr(ick) sijne(n) keld(er)/ gesloten houden sal Ende alle dese conditien/ en(de) gelueften (et)c(etera) cor(am) lyefkenrode buetsele/ martii p(ri)ma