Opde invallen bij claese van wynghe voe(r) he(m)selve(n)/ pete(re)n de naen ende ja(n)ne van dormale beyde als/ mo(m)bo(r)en vand(en) ande(re)n kinde(re)n anthonijs wijle(n) van/ wynghe zuste(re)n des voirs(creven) claes inne geworpen/ meyne(n)de te moege(n) voirt vae(re)n tot des(er) instan(tie) tege(n)/ arnde meys als mo(m)bour van sijne(n) wive die zust(er)/ was vand(er) weerdi(n)ne(n) des voirs(creven) anthonijs en(de)/ moed(er) d(er) voirs(creven) kinde(re)n van wynge met thoene/ te leyden opde ande(re) pointe(n) en(de) so(m)me(n) van pe(n)ni(n)ge(n)/ ind(en) processe soe sij seyde geruert voirde(r) dan va(n)d(en)/ driehondert rinsgulden(en) d(air)af beyde de p(ar)tien/ hen gedragen hadd(en) tott(er) cleernissen van mijne(n)/ hee(re) van p(er)cke ende de voirs(creven) arnt de contrarie/ houden(de) gesustineert heeft dat voir al deselve/ sake vand(en) driehond(er)t rinsgulden(en) die anthonijs/ van mijne(n) hee(re) van p(er)cke ontfange(n) hadde uut/ crachte van zeke(re)n obligatien gegeve(n) bij joh(ann)ese van/ olmen die spruytte soe arnt seyde uuyt leveri(n)gen
//
bij clase boene te hove gedaen beslicht soude wordd(en)/ ende hue(re)n voirtganck hebben want beyde p(ar)tien/ gelijck vo(r)e hen des van dier obligatien van iii[c]/ rinsgulden(en) gedragen hadden tott(er) cleernissen/ va(n)d(en) selve(n) hee(re) van p(er)cke die d(air)op sijn cleernisse/ gedaen hadde dair hijs hem toegedroech Ende/ de wed(er)p(ar)tie p(er)siste(re)nde in hue(re)n voirnemen(e) t(er)/ contrarien dat sij soud(en) moege(n) voirtvae(re)n nae de/ voe(r) acten mette(n) thoene op de ande(re) so(m)men dairaff/ ind(en) processe geruert hadde geweest soe wel/ als mett(er) saken vand(er) voirs(creven) obligatien Es gewijst/ bij scepen(en) van loven(e) t(er) manissen smeyers dat p(ar)tien/ in weersijde(n) voirtvae(re)n sullen mett(er) cleernissen/ des abts van p(er)cke int point vand(er) voirs(creven) obligat(ien)/ van driehond(er)t rinsgulden(en) mette(n) sluyte(n) va(n)d(er)/ saken in dien en(de) dae(re)ntinden recht In scampno/ cor(am) lyefkenrode hoeve(n) buetsele vynck martii/ v[ta]