Item pet(er) meyenbosch sone wijlen henricx van outurnhout in p(rese)ntia/ heeft genome(n) tegen claese de kersmaker als man en(de) mo(m)bour/ joffr(ouwen) g(er)trud(en) wittemans sijns wijfs hue(r) hoff tot ov(er)loe geleg(en)/ mette(n) huysen schue(re)n en(de) stalle(n) d(air)op staen(de) mette(n) wi(n)nen(de) land(en)/ beemd(en) bog(ar)den ende weyen [dair] toe horen(de) en(de) hue(re)n ande(re)n toe/ behoirte(n) gelijc ende in ald(er) manie(re)n jan de muyse(n) dat/ eene(n) t(er)mijn van jae(re)n gehoud(en) en(de) beseten heeft te houden(e)/ te hebben(e) te wi(n)nen(e) en(de) te bedriven(e) van inganck meye/ naistcomen(de) eene(n) t(er)mijn van xii jae(re)n d(air)nae volgen(de)/ Te weten(e) de voirs(creven) wynnen(de) lande ten voirs(creven) hove behoren(de)/ t(er) recht(er) helicht wynni(n)g(en) en(de) alsoe men d(air)omtrint op en(de)/ neder sculdich en(de) gewoenlic es van doen(e) en(de) de wi(n)ne/ es sculdich de voirs(creven) vruchte(n) tot sijne(n) coste en(de) laste aff/ te doene ind(en) bant te leveren(e) ende voirt in schue(re) te/ vueren(e) ende te tasse(n)ne des voirs(creven) claes deel en(de) altoes/ dat ierste voed(er) voir claesen dies [es] vorw(er)de dat claes/ d(air)toe eene(n) cnape oft man sal stelle(n) die de bande(n) sal/ hulpe(n) leggen ende d(air)toe de vruchten al hulpen/ indoen dies sal de wynne den voirs(creven) cnape den/ montcost geven ende claes de dachue(re)n betale(n)/ Item alle de vruchten die van claes helicht come(n)/ sulle(n) die sal de voirs(creven) wy(n)ne te loven(e) moete(n)/ vue(re)n ende levere(n) tot zijne(n) laste tot claes voirs(creven)/ dies sal de wynne den montcost hebben en(de)/ de perd(en) hoy ende stroo Item voe(r) de voirs(creven)/ beempd(en) ende weyden totten voirs(creven) hove behoren(de)/ sal de wynne jairlijcx gheven en(de) betalen altijt/ te s(in)[te] mertensmisse xviii peters te xviii stuvers/ stuck dies es vorwerde dat de voirs(creven) wynne/ bynnen hebben sal sonder inde helicht wi(n)ninghe/ te comen(e) een bloexken wy(n)nents lants groot/ omtrint een dachmael geleg(en) voir de poirte va(n)d(en)/ voirs(creven) hove Item es voirs(creven) voirwerde dat die
//
voirs(creven) wy(n)ne de voirs(creven) wy(n)nende lande jairlijcx wel en(de)/ loffelijc sal moeten wynne(n) en(de) bedriven te weten(e) den/ roggen(en) aert op vier tijdege vore(n) den even(en) aert op twe/ tijdege vore(n) en(de) den gersten op drie vore(n) d(air)aff hij ten/ minsten alle jae(re) sal moeten sayen een boend(er) tarwen/ en(de) twee boend(er) gerst(en) en(de) alle drie de aerde(n) laten tot/ sijnen afsceyd(en) soe hij die tsijnen aencomen bevi(n)d(en) sal/ en(de) de beemd(en) en(de) weyen oic laten soe hij die bevind(en) sal/ het sij land(en) beemd(en) [oft] eeusselen besayt oft ombesayt v(er)maect/ oft o(n)vermaect en(de) een yegelijc porceel van land(en) met/ alsulk(en) saye besayt als hijt besayt vind(en) sal Item de/ wy(n)ne sal jairlijcx de beemd(en) vand(en) voirs(creven) hove te sijne(n)/ coste moete(n) slippe(n) en(de) die grechte(n) ruymen ende die elst/ hochte(n) ende and(er) hout d(air)in staen(de) ruyme(n) en(de) afhouden/ Dies sal de voirs(creven) claes hem eene(n) werkman d(air)toe/ doen alle jae(re) drie dage lanc dies sal de wy(n)ne den/ montcost gheven Item es vorwerde dat die voirs(creven)/ claes sal voir uuyt hebben tfruyt jairlijcx wassen(de) in/ eene(n) hoff geheeten den stechoff d(air)teg(en) sal de voirs(creven)/ wyn hebben een hofken geheete(n) tfrouwe(n) hofken/ Ende den groote(n) boeg(ar)t acht(er) de schue(re) geleg(en) d(air)aff/ sal de voirs(creven) claes hebbe(n) deen helicht vand(en) fruyte/ en(de) de wyne dand(er) helicht en(de) die sulle(n) sij te gelike(n)/ coste doen lesen en(de) afdoen Dies sal de wyne des/ voirs(creven) claes deel het sij dat hijt vercoopt oft behoudt/ en(de) oic vand(en) voirs(creven) stechove te loven(e) moete(n) leveren/ tot zijne(n) laste Item de voirs(creven) wy(n)ne sal jairlijcx/ moeten mergelen twee boend(er) lants te minsten dair/ dbest dient dies sal de voirs(creven) claes den mergele/ d(air)aff doen steke(n) tot sijne(n) coste en(de) die wy(n)ne saelt/ voirt opt lant moten vuere(n) te sijne(n) laste Item de/ voirs(creven) claes sal den voirs(creven) wi(n)ne jairlijcx geven v elle(n)/ wullens lakens tot eene(n) tabbarde van levereyd(e) oft/ vijf lichte guld(en) van x stuv(er)s stuck d(air)voe(r) dwelck
//
hem d(air)aff best gelieven sal dies sal de wi(n)ne hem jairlijcx/ met sijne(n) wagen(en) ende p(er)den vijf dage kerweyen dairt/ hem believe(n) sal Item oftmen int voirs(creven) hoff behoefde te decken(e)/ oft te plecken(e) d(air)toe sal de voirs(creven) wy(n)ne leveren den/ leem ende wallem d(air)toe gaende dies sal claes voirs(creven)/ betale(n) de dachue(re)n ende de wy(n)ne den montcost Item/ oftmen ae(n) die ande(r) huyse vand(en) voirs(creven) hove behoefde te/ decken(e) met tiechelen oft oic e(n)nige metsselrie van sulde(re)n/ oft van wand(en) te plecken(e) van oude(n) werke d(air)aff sal/ de wi(n)ne die tiegelen de steene calc en(de) leem d(air)toe sal/ moten halen sonde(r) claes cost Item de wynne sal/ claesen jairlijcx moete(n) geven te paessche(n) een goet vet lam/ Item de voirs(creven) claes en(de) de voirs(creven) wi(n)ne sulle(n) jairlijcx/ moeten coope(n) viertich ma(n)delen stroos om die int hoff/ te sliten(e) en(de) mest d(air)aff te maken(e) dies sal claes betale(n)/ die twee deelen en(de) de wy(n)ne tderdendeel Item noch es/ vorwerde dat de voirs(creven) wy(n)ne op dat hem belieft jairlijcx/ sal mogen bereyd(en) een stuck lants om d(air)op te sayen(e) een/ half mudde lijsaets dwelc sij oic deilen sulle(n) half en(de) half/ ende oic dlijsaet betalen half en(de) half Mair geliefdet/ den voirs(creven) claese gheen lijsaet op sijn helicht te sayen(e)/ soe mach hij d(air)op doen sayen alsulke(n) vrucht als hem/ believe(n) sal van gersten oft van even(en) welc saet de/ wi(n)ne sal moete(n) leve(re)n Item de wi(n)ne sal hebben/ opt voirs(creven) goet sijn truncke(n) alsoe sijn voirsete(n) gehadt/ hebbe(n) uuytgesceiden op de opgaen(de) boeme(n) oft houte(n) En(de)/ voir elken verdroechd(en) boem van wilghen dien hij/ afhoud(en) sal d(air) voire sal altijt setten twee ande(r) poten/ oft wilgen Ende alle dese vorweerde(n) (et)c(etera) cor(am) py(n)nock/ buetsele ap(ri)lis xxiiii