Dair voe(r) den raide vand(er) stadt comen sijn e(n)nige goede/ ma(n)nen hen dragen(de) als mage vrinde en(de) mo(m)bo(r)en vand(en)/ ombejaerd(en) natuerlik(en) sone jans wijlen cappart tegen/ pete(re)n vand(en) hoeve(n) ende sijne(n) sone als geleydt totten/ goed(en) desselfs wijle(n) jans bege(re)nde om te scutten dexecutie en(de)/ vercopinge die deselve geleydde soud(en) willen doen ov(er)/ de goede desselfs wijle(n) jans die den voirs(creven) sijne(n) natuer/ lik(en) sone bij testamente gemaict en(de) gelaten moegen/ sijn den selve(n) geleydd(en) ond(er)wesen te wordd(en) dat hij rekeni(n)ge/ bescheyt en(de) cleerniss(en) vand(en) wettig(en) gebrek(en) deselve geleydde/ d(air)aen hebben mach dade en(de) van tgheene des men he(m)/ d(air)af sculdich es zij wa(r)en bereet soe sij seyden ind(en)/ name vand(en) kinde die gewete(n) te cuelen opte leggen/ en(de) te betalen en(de) voirde(r) costen ende moeyten te scouwen/ Wairop deselve geleydde te kenne(n) gaf hoe sijn br(ieven)/ en(de) beleyde en(de) de kennesse van dien behoirde inde/ banck voir meye(r) en(de) scepen(en) van loven(e) d(air) hij he(m) p(rese)nteerde/ trecht te geve(n) ende te neme(n) en(de) onverlet in dien te/ staene nyet tegenstaen(de) tgheene des d(air)af ald(air) gevord(er)t/ mocht sijn en(de) was wel te vreden d(air)op te v(er)gade(re)n/ t(er) stont en(de) de rekeni(n)ge van sijne(n) gebreke(n) voir goede/ mans te v(er)claren Behalve(n) he(m) altijt d(er) actien sijnd(er)/ scepen(en) br(ieven) en(de) beleyde en(de) de kennesse van dien inde/ banck voir meye(r) en(de) scepen(en) van loven(e) voirs(creven) heeft/ den raidt vand(er) stadt geappointeert en(de) gecleert/ dat p(ar)tien navolgen(de) d(er) p(rese)ntatien vand(en) geleydd(en)/ bij een gaen sulle(n) en(de) rekene(n) en(de) oft sij niet en conne(n)/ d(air)inne v(er)accorde(re)n dat sij vand(en) gebreke(n) in dien/ en(de) vand(en) voldoeni(n)g(en) d(er) scepen(en) br(ieven) rechts tegen/ malcande(re)n plegen sullen inde banck voir meye(r)/ en(de) scepen(en) van loven(e) dair dat behoirt Act(um) in (con)s(ili)[o]/ opidi maii iiii[ta]