Item lijsbeth colx weduwe goerts wijle(n) van braemt/ in p(rese)ntia heeft gehuert ende bekint gehuert te hebben/ tege(n) henr(icke) hanckart secretar(is) sijn gelege gelege(n) te byncke(m)/ Te weten den nee(re)n voe(r) de ned(er)came(r) d(air)neve(n) den solde(r)/ bove(n) die ned(er)came(r) de keescame(r) ond(er) tdofhuys de stalle(n)/ ald(air) neve(n) en(de) den kelde(r) ald(air) sond(er) in dand(er) gericht/ te sijne and(er)s dan ind(en) wermoeshof en(de) weye omtr(int)/ den huysen steenooft en(de) reselinge vand(en) ande(re)n ooft sond(er)/ wyntslach want dand(er) al de voirs(creven) henr(icke) te hemw(er)t/ behoude(n) heeft te houde(n) en(de) te hebben van s(in)t andries(mes)s[e]/ anno negentich een jair lanck due(re)nde tsjaers om en(de)/ voe(r) ond(er)halve(n) rinsgulden(en) ts(in)te andriesmesse apostels/ te betale(n) heeft noch bekint tege(n) hem gehuert te hebbe(n)/ een roye bonte coe tot half m(er)te naistcomen(de) om en(de)/ voe(r) xxiiii stuv(er)s ingaen(de) ix maii a(n)no een en(de) nege(n)tich/ ende heeft geloeft die te hue(re)n tijde te rinde te doen/ gaen ende oft dair gebreck inne wa(r)e die schade/ henr(icke) opte richte(n) heeft voirt bekint den selve(n)/ henr(icke) van geleenden gelde sculdich te zijne xxx/ stuv(er)s d(air) sij jacoppe van ov(er)beke half sijn huyshue(r)/ mede betaelde ende dat sij sculdich es den selve(n)/ henr(icke) aend(en) selve(n) jacoppe te lossen van noch xxx/ stuv(er)s dair voe(r) hij hue(r) borge aend(en) selve(n) jacoppe/ bleve(n) es die hem ts(in)t jansmesse naistcomen(de)/ te betalen Ende heeft geloeft dat sij dit al en(de)
//
elc bezund(er)t volcomelijck voldoen sal ende oick de/ voirs(creven) coe wel ende loflijck vuede(n) houden huede(n)/ en(de) verwa(r)en sal oft doen verwa(r)en alsoe wel oft/ bat dan sij doen soud(en) huers selfs beesten oft zij/ e(n)nige hadd(en) ende oick dat sij henr(icke) altijt sijn stroo/ ald(air) beyde wint(er) en(de) som(er)stroo afneme(n) sal tot sulk(en)/ p(ri)se soe dat inde thiende schue(re) te kercke(n) gelde(n) sal/ ende dat ind(er) messien ald(air) met hue(re)n beeste(n) ende/ nerge(re)ns els etten en(de) te meste beke(re)n d(air) dat sal moete(n)/ blive(n) tot henr(ix) behoef ende nyemant and(er)s die/ dat op tstroo gelt huer gelevert als vo(r)e wed(er) ov(er)neme(n)/ sal t(er) taxatien van goed(en) ma(n)ne(n) hen des verstaen(de)/ dat sij oick de huysinge wenden en(de) duyve(n) ald(air) hued(en)/ sal moeten ende doen verwa(r)en van scaden ten naiste(n)/ dat moegelijck sal wesen Ende oft in e(n)nich van des(en)/ voirs(creven) pointe(n) gebreck viele soe soude tallen tijden/ de voirs(creven) henr(ic) van huer moege(n) sceyden en(de) sijn goed(en)/ ende coe wed(er) te hemw(er)t neme(n) en(de) verhalen dadvena(n)t/ vand(en) hue(re)n vand(en) huyse en(de) coe ende de geheele and(er)/ gebrek(en) voirs(creven) aende selve weduwe en(de) hue(r) goede sond(er)/ verdrach al wairt dat de jae(re)n d(er) huering(en) niet/ uut en wa(r)en al sond(er) argelist cor(am) lyefkenrode buets(ele)/ junii t(er)cia