Vand(er) questien geport voe(r) den borg(er)meeste(r) en(de) e(n)nig(en)/ vand(en) raide vand(er) stadt tusschen thomase opde heye/ van vorst ind(en) name van he(m) selve(n) en(de) oick van wegen/ d(er) pryori(n)ne(n) van ghe(m)pe t(er) eenre ende vrancke loenke(n)s/ t(er) ande(re) om des coeps wille van eene(n) hoep scape van/ omtr(int) tweehondert soe v(er)re die strecke(n) soud(en) en(de) soe/ v(er)re die de(n) selve(n) thomase en(de) d(er) p(ry)orynne(n) toebehoird(en)/ de welke deselve vrancke soe de voirs(creven) thomaes/ p(rese)nteerde te thoene(n) oft hem ontkint wordde tege(n) hem/ gecocht hadde elck scaep van dien voir ix stuv(er)s/ d(air)af deselve vranck de vier scape en(de) oick de la(m)me(re)/ int geheel bynne(n) hebben soude en(de) dat de daige van/ betalinge(n) van desen gesedt werdd(en) vand(er) eend(er)/ hellicht bynne(n) xiiii nachten nad(er) come(n)scapen ende/ vand(er) and(er) hellicht bynne(n) xiiii nachte(n) dairnae
//
Ende want beyde dese daige(n) ov(er)leden wa(r)en soe/ hij p(rese)nteerde te bewijsen en(de) hij h(ier)o(m)me bijde geswoirne(n)/ vand(en) ambachte geweest hadde versueken(de) des/ ambachts rechs als een coopma(n) van buyte(n) betalen(de)/ d(air)af trecht vand(en) ambachte en(de) p(ar)tien differeerd(en) int/ wesen vand(er) come(n)scap en(de) vand(en) valdaige(n) dairaf/ de geswoirne(n) egheen kennesse en hadd(en) willen neme(n)/ om dat dair thoen oft eet in vallen mochte soe/ hadde hem de noot d(air)toe gedwonge(n) dat hij de(n)/ selve(n) vrancke(n) alhier van dien voir de stadt hadde/ moete(n) betrecke(n) wair bij hij v(er)sochte vranck(e) met/ uutsprak(en) van rechte gedwonge(n) te wordd(en) hem/ vand(er) voirs(creven) come(n)scape(n) te voldoene oft des ambachts/ rechts om tott(er) betalinge(n) te comen(e) te moege(n) plege(n)/ Dair tegen de voirs(creven) vrancke hem oppone(re)nde/ tvoirs(creven) bijlegge(n) e(m)mer meynde hij acht scape(n)/ en(de) alle de la(m)me(re) bynne(n) te hebben(e) ende oick/ dat uut den hoepe noch scape noch la(m)me(re)n/ voir den sceepe(r) en soud(en) moege(n) genome(n) wordd(en)/ mair dat den hoep geheel van al hem sculdich/ wa(r)en te volgen seyde oick dat de pe(n)ni(n)g(en) ond(er)/ hem gerasteert wa(r)en wair bij hij meynde de/ pe(n)ni(n)gen nyet te derve(n) ov(er)leve(re)n oick seyde hij/ dat die daige van betalinge(n) soe cort nyet en wa(r)en/ als thomaes die bij leyde met meer woirde(n) in/ wed(er)zijde(n) geallegeert Es geappointeert ende/ uutgesproken nae den thoen d(air)op ov(er)hoirt d(air)inne/ thomaes sijns v(er)meets genoech volquam dat de/ voirs(creven) vranck gehoude(n) sal sijn vand(en) scape(n) en(de)/ la(m)me(re)n soe v(er)re die den voirs(creven) thomase en(de) mijnd(er)/ vrouwen toebehoirde(n) te voldoene en(de) sijne(n) moet/ te hebben en(de) te betale(n) voir elck vand(en) selve(n) scape(n)/ ix st(uvers) des sulle(n) dair vier scapen en(de) de la(m)me(re)n/ bynne(n) gaen sond(er) dat vranck d(air)af yet sal derve(n)/ geve(n) en(de) dit bynne(n) acht daige(n) naistcomen(de) en(de)/ alsoe v(er)re deselve vranck gebreckelijck es dit/ aldus te doene en(de) die acht daige(n) liet ov(er)gaen/ sond(er) betalen dat dan deselve thomaes tgebreck
//
vand(er) selv(er) betalinge(n) sal moege(n) vervolgen nae/ sambachts recht hieraen afgecort tgheene des d(air)op/ gegeve(n) en(de) betaelt es h(ier)inne oick v(er)sien dat de voirs(creven)/ thomaes ten tijde vand(er) betalinge(n) sal moete(n) afdoen/ tvoirs(creven) rastement opde pe(n)ni(n)g(en) gedaen Act(um) cor(am)/ oeghe substi(tu)[to] burg(imagistr)[o] vynck scabino borch consiliar(io)/ et c(er)t(is) aliis junii xiii