Want robbiert van griekem als geleydt nae des(er)/ stadt recht voir sijn wittech gebreck uut crachte/ van scepen(en) brieve(n) van loven(en) tot allen den goed(en)/ beyde have en(de) erve meest(er) stevens boelairt soe/ wair die gelegen sijn hem met eene(n) open(en) placcate/ van des(er) stadt gescreve(n) aen alle officie(re)n oft hue(re)n/ stedehoude(re)n alle deselve goede behoirlijck heeft/ doen leve(re)n en(de) cornelise ancemps en(de) joese maes/ dach van rechte te compare(re)n inde banck voir/ meye(r) en(de) scepen(en) van loven(en) doen besceyden oft zij/ hen dair tegen hadden willen oppone(re)n Aldair/ zij op heden als ten verstreken(en) daighe niet gecom/ pareert en zijn noch procur(eur) van hue(re)n wegen/ hem d(air)tegen oppone(re)nde den voirs(creven) geleydden/ altijt compare(re)nde en(de) trecht voirt versueken(de)/ Soe hebben scepen(en) van loven(en) t(er) manissen smeyers/ nae dat hen bij rescripte jans taelmans smeyers/ van linte(r) behoirlijck gebleken heeft de voirs(creven)/ leveringhe en(de) dach besceydinghe geschiet te sijne/ gewesen voir een vonnesse wair de wederp(ar)tie/ des voirs(creven) geleydden niet en compareert ten/ opstaene smeyers ende d(er) scepen(en) datme(n) den/ selve(n) geleydde(n) houd(en) soude inde macht va(n) sijne(n) beleyde/ scep(enen) br(ieven) en(de) leveri(n)g(e) alsoe v(er)re alst noch voir scep(enen) come(n) es In/ scampno octobr(is) v[ta]