Inde banck voir meye(r) en(de) scepen(en) van loven(e) met eene(n)/ gelev(er)den voirspreke es come(n)/ huysvrouwe henricx de pruyte(re) opdoen(de) hoe zij/ met drie behoirlike rasteme(n)ten soe zij huer des/ gedroech totte(n) vorste(r) hadde gevolght op zeke(re) haeff(lijken)/ goede(n) wesen(de) inde(n) huyse geheeten den hont geleg(en)/ opde biest toebehoiren(de) der weduwen henr(icx) wijle(n)
//
vanden broecke voir huer wettige schult die de/ selve weduwe huer sculdich was versueken(de) trecht/ wairop zij bij voirgaen(de) vonnesse van scepen(en) t(er)/ manissen smeyers de selve hue(r) rasteme(n)ten gethoent/ en(de) gecleert heeft met joese peysman vorste(r) ende/ dae(re)ntinden bij vonnesse als vo(r)e huer schult/ geve(r)ificeert heeft bij hue(re)n wettigen eede gedragen(de)/ vier en(de) eene(n) halve(n) rinsgulden(en) zond(er) de coste(n) van/ rechte ind(er) sake(n) v(er)loepen Alsoe dat scepen(en) voirt/ ut(er)lijck gemaent gewijst hebben dat zij de/ selve gerasteerde goede ten hoegste(n) bringe(n) en(de)/ v(er)coepen sal en(de) hue(r) voirs(creven) schult d(air)aff neme(n) bij/ alsoe oft d(air) yet ov(er)t dat zijt wed(er)ke(re)n sal en(de) oft(er)/ gebrect dat zij voirt va(r)en sal met rechte in/ scampno cor(am) om(n)ibus dempt(is) pynnock kersmake(re)/ octobr(is) septima