Want willem vand(er) borch als geleydt nae/ des(er) stadt recht voir sijn wettich gebreck uut crachte/ van scepen(en) brieve(n) van loven(en) tot allen den goed(en)/ beyde have ende erve arnts wijle(n) vande(n) scriecke/ en(de) jans wile(n) vande(n) scriecke soe wair die geleg(en)/ sijn hem met brieve(n) van des(er) stadt gescreve(n) aend(en)/ meye(r) van he(re)nt oft zijne(n) stadhoude(r) alle deselve/ goede behoirlijck heeft doen leve(re)n ende den erfge/ name(n) des voirs(creven) wile(n) arnts ende jans vande(n)/ scriecke dach van rechte te compare(re)n inde banck/ voir meye(r) ende scepen(en) van loven(en) doen besceyd(en)/ oft zij hen dair tege(n) hadden willen oppone(re)n/ Aldair zij op heden als ten verstreken(en) daige niet/ gecompareert en zijn noch procur(eur) van hue(re)n wege(n)/ hem dair tege(n) oppone(re)nde den voirs(creven) geleydde(n)/ altijt compare(re)nde ende trecht voirt versueken(de)/ Soe hebben scepen(en) van loven(en) t(er) manissen smeyers/ nae dat hen bij rapporte gielis eveloege des(er)/ stadt bode behoirlijck gebleken heeft de voirs(creven)/ leveri(n)ge ende dach besceydinge geschiet te/ sijne gewesen voir een vonnesse wair de wed(er)p(ar)tie/ des voirs(creven) geleydden niet en compareert ten/ opstaene smeyers ende der scepen(en) datmen/ den selven geleydden houden soude inde macht/ van sijne(n) beleyde scepen(en) br(ieven) ende leveri(n)gen alsoe/ v(er)re alst noch voir scepen(en) comen es In scampno dece(m)br(is)/ xvi