Nae dien dat in questien comen sijn bijde(n) raide/ vand(er) stadt arnoldus vroenhove(n) al(ia)s fabri als/ procur(eur) der weduwen joes wilen absoloens t(er)/ eenre tege(n) janne van ghele t(er) ande(r) zijd(en) als van/ zekerd(er) huering(en) geschiet bijden voirs(creven) ja(n)ne van/ eene(n) beempde gelegen te wilsele in tijde(n) voirleden/ vand(en) lichte(n) gelde gelden(de) jairlijcx xxvii(½) rinssche/ gulden(en) d(air)af de hueringe alnoch due(re)nde was/ vier jair sond(er) djaer van xc nu lest gevallen/ den welken de voirs(creven) jan voert verhuert hadde/ bynne(n) des(er) somer eene(n) geheete(n) thomase berwouts
//
de welke hoepte te gestane en(de) de hueri(n)ge nu gevalle(n)/ te betalen(e) met lichte(n) prise want dien hier voirmaels/ ten tijde vand(en) lichte(n) gelde verhuert was ten ande(re)n/ male dat deselve hueringe te nyeute soud(e) wesen/ want hij eld(er)s wael ten mi(n)de(re)n prise weye/ vind(en) soud(e) soe hij te kenne(n) gaf en(de) d(air) inne alsoe/ verachtert en(de) bescadicht soude wesen dairaff de/ de voirs(creven) procur(eur) sustineerde dat hem de hue(r)/ gebue(re)n soude in gelde als nu lopen(de) nad(er) ordinanc(ien)/ in desen bijde(n) land(en) gemaect ende dat oick/ de huering(e) blive(n) soude van werd(en) den tijt/ due(re)nde ind(er) mate(n) die geschiet was dair van/ de voirs(creven) thomaes berwouts sustineerde de (contra)rie/ als bove(n) hopen(de) d(air)van ongehoud(en) te zijne ende/ te gestaene met sijne(n) voirnemen(e) vo(r)e verhaelt/ Es gewesen bijden selve(n) raide h(ier)op gelet zijnde/ dat de voirs(creven) thomaes beki(n)nen(de) de hueringe/ ov(er) genome(n) te hebben(e) als voe(r) den t(er)mijn nu v(er)schene(n)/ s(in)te m(er)tensmesse lestleden betalen sal ten prijse/ gelt alsnu lopen(de) ende dat hij sculdich sal sijn/ den t(er)mijn vand(er) huering(en) te houden(e) en(de) te voldoen(e)/ soe lange dien due(re)n sal nad(en) ov(er)drage in des(en)/ bijd(en) stat(en) van des(en) land(en) ond(er) loven(e) ende bruess(ele)/ gesete(n) geraemt In cons(ili)[o] opidi januarii viii