Nae dien dat op heden comen sijn bijden raide/ vand(er) stadt jan tuback als geleydt totten goed(en)/ der kinde(re)n vrancx wijle(n) symoens geheeten/ in bloeme(n)dale voir tgebreck van negen halste(re)n/ corens erffelijck t(er) eenre ende bastijn stroeprocx/ hantscoemake(r) als voirgange(r) katlijne(n) symoens/ t(er) ande(r) zijden Aldair de voirs(creven) jan te kenne(n) gaff/ hoe dat hem bijd(en) selve(n) bastijne ongebruyck/ gedaen wordt in dien dat hij sijn pe(n)ning(en)/ staen(de) opden wissel gecome(n) van zeke(re)n huysen/ gelege(n) opde leye den selve(n) kinde(re)n toebehoiren(de)/ gecocht bij meeste(re)n ja(n)ne vand(er) messien [he(m)] nyet/ volge(n) en mochte(n) ende in dien genoech gescied(en)/ dair tege(n) deselve bastijn seyde ind(en) name/ als bove(n) dat hij hem in dien gheen ongebruyck/ en dede vand(en) pe(n)ni(n)g(en) opde(n) wissel staen(de) mair/ was wel te vreden eve(n) verre joh(ann)es heyms/ wissele(r) dairaff sijn hant woude lichte(r) dat/ hem sijn gebreke(n) volghde(n) navolgen(de) d(er) rechtvor/ dering(en) bij hem in dien gedaen als dat de/ wet begheerde den selve(n) wissele(r) te aenhoiren
//
de welke compare(re)nde seyt dat hij zeke(r) raste/ mente(n) opde selve pe(n)ni(n)gen gedaen hadde voir/ gebreck van xxii rinsgulden(en) die hem de/ selve kinde(re)n sculdich mochte(n) wesen als hij/ seydt sond(er) nochtan enige voirvonnessen in/ dien bij hem v(er)volght te zijne uut crachte/ van zijne(n) rastemente dair van deselve gheen/ me(n)tie en maicte replice(re)nde alsoe de voirs(creven)/ jan dat hem dat gheen onstade doen en/ mochte noch zijne(n) beleyde in dien al mochte(n)/ de pe(n)ni(n)gen in desselfs wisselairs huys wese(n)/ als deselve oick allegeerde Es geappointeert/ aengesien dat de wissele(r) niet en dede blijcke(n)/ noch oick tselve bij en leydt van voirvonnessen/ bij hem in dien voe(r) den geleydde(n) bij hem/ v(er)volght met rechte als dat nae recht soude/ moege(n) behoiren dat den selve(n) geleydden sijn/ pe(n)ni(n)gen volge(n) souden ombelet vand(en) selve(n)/ wissele(r) nyet wed(er)staen(de) der calangien In/ consilio opidi februarii ultima