Item hubrecht helsscheviers woenen(de) te du(n)berge en(de)/ lijsbeth van maelcote sijn wijff in p(rese)ntia hebbe(n) genome(n)/ en(de) bekint genome(n) te hebben van arnoldo kyp ind(en)/ name ende van wege(n) jouffr(ouwen) johanne(n) van kersbeke/ zijnd(er) huysvrouwe(n) de woeni(n)ge metten lande(n) beemde(n)/ eeussele(n) d(air)toe hoiren(de) te duetsele en(de) d(air) omtrint gelege(n)/ alsoe v(er)re jan wijle(n) truydens en(de) sijn wijff tot hue(re)r
//
aflivicheyt gehoude(n) hebben ende niet voirde(r) Te houd(en)/ te bewoene(n) ende te wynne(n) van halfm(er)te dat was/ int jair xiiii[c] lxxxviii eene(n) t(er)mijn van nege(n) jae(re)n/ lanck d(air)nae deen nae dand(er) sond(er) middel volgen(de)/ Elcx jairs d(air)enbynne(n) om en(de) voe(r) vijftich grijpe(n)/ xiii stuv(er)s ende een derdel payments ten tijde/ van betali(n)gen cours hebben(de) voir elke g(rij)pe ge(re)kent/ half te kersmesse ende half te halfm(er)te te betalen(e)/ ende te loven(e) inde(n) wissel te leve(re)n jairlijcx als/ v(er)volghde schout Behoudelijck dat zij dierste/ twee jae(re)n gestaen sulle(n) elcx jairs d(air)aff vive(n)twintich/ g(rij)pen te betalen(e) ov(er)mits dat de lande en(de) goede/ om des orloege(n) wille qualic bedreve(n) en(de) gewonne(n)/ lagen It(em) sulle(n) de voirs(creven) gehuyssche(n) om de huysi(n)ge/ ald(air) staende te houde(n) van wande en(de) van dake/ jairlijcx leve(re)n vijftich bolste(re)n walms ende die/ te hue(re)n coste ende laste opde huysinge ten meeste(n)/ p(ro)fijte doen verdecken ende de wande houde(n)/ vand(er) und(er)ster rijckele(n) ned(er)weert op hue(re)n cost/ wel en(de) loffelijck ende die alsoe laten Ende de voirs(creven)/ wynne(n) en zullen opde goede de leste drie jae(re)n/ vand(en) voirs(creven) t(er)mijne gheen have(r) moegen saeyen/ It(em) de voirs(creven) wynne(n) sulle(n) de voirs(creven) goede thue(re)n/ afsceyde(n) wel ende cusbairlijck bevreedt late(n) en(de)/ die loffelijck wynne(n) en(de) mesten gelijck reengenoete(n)/ en(de) die thue(re)n afsceyden(e) laten besaeyt ende gemest/ op getidege voren ende de brake en(de) stortte op/ een vore o(m)megedaen It(em) de voirs(creven) wynne(n) zulle(n)/ hue(r) berri(n)ge moege(n) neme(n) aen heggen hagen/ en(de) truncboeme(n) opde voirs(creven) goede t(er) mi(n)ster scade(n)/ ende ten behoirlike(n) tijde zond(er) inde bosschen/ der voirs(creven) jouffr(ouwen) e(n)nichssins gericht te zijne/ It(em) zullen de voirs(creven) wynne(n) alle jae(re) opt goet plante(n)/ willege pote(n) soe v(er)re die opt goet vallen ende die/ beheyme(n) en(de) tot dien voir elke v(er)droeghde willeghe/ die zij afhouwe(n) zullen moege(n) plante(n) twee va(n)d(en)/ selve(n) arde ende de willege truncke de goede/ mede te bevrede(n) ende niet voirde(r) It(em) de voirs(creven)
//
wynnen zullen tstroe vande(n) voirs(creven) goede(n) comen(de)/ slijten te meste maken ende dat op dlant vue(re)n/ tslants meeste(n) profijte uutgenome(n) den walm voirs(creven)/ It(em) de selve wynne(n) zullen moegen heye maeyen/ opder jouffr(ouwen) bossche(n) ende die te meste maken op/ dat he(m) gelieft It(em) ende oft de voirs(creven) arnoldus/ meer walms cochte ende opde voirs(creven) huyse v(er)decte/ oft oick aende huyse ald(air) staende van oude(n) wercke/ ty(m)merde d(air)af zullen de wynne(n) ongelast bliven/ behoudelijck dat zij d(air)toe halen zullen en(de) leve(re)n/ theene(n) dacroeyen en(de) leem ende thout nairde(r) vue(re)n/ totte(n) wercke Ende alle dese voirw(er)den (et)c(etera) cor(am)/ duffle vynck junii xiii