SAL7384, Akte: V°137.2-V°138.1 (221 van 1043)
Akte V°137.2-V°138.1
Act
Datum: 1490-09-14
Transcriptie
2021-06-29 door fernand BERTRANDWant jan van maelcote die uut crachte van/
scepen(en) brieve(n) van loven(e) houden(de) en(de) besitten(de)/
es eene erfrinte van zeve(n) goude(n) croone(n) aen/
en(de) op de goede en(de) ond(er)pand(en) h(ier)ond(er) gescreve(n)/
hem met thiebout steeweechs d(er) stadt bode/
in zijne(n) name alle deselve goede heeft doe(n)/
leve(re)n met brieve(n) van des(er) stadt gescr(even) aende(n)/
meye(r) van opvelpe oft zijne(n) stadhoude(r) en(de)/
dach van rechte doen besceyden he(re)n tielma(n)ne/
voskens meest(er) va(n)d(er) poirte(n) van velpe en(de) den/
wynne desselfs oft zij hen tege(n) deselve/
leveri(n)ghe iet hadde(n) wille(n) oppone(re)n Aldair/
zij op heden als ten verstreken(en) daghe niet/
gecompareert en zijn noch procur(eur) van hue(re)n/
wegen hen d(air)tege(n) oppone(re)nde den voirs(creven)/
geleydde(n) altijt compare(re)nde en(de) trecht voirt/
versueken(de) Soe hebben scepen(en) van loven(e)/
t(er) manissen smeyers nae dat hen bij rappoirte/
des voirs(creven) thiebouts steweechs behoirlijck/
gebleken heeft de voirs(creven) leveri(n)ghe en(de) dach/
besceydinghe geschiet te sijne gewesen voir/
een vonnesse wair de wed(er)p(ar)tie des voirs(creven)/
geleydden niet en compareert ten opstaen(e)
//
smeyers en(de) d(er) scepen(en) datmen den selve(n) geleydd(en)/ houd(en) soude inde macht van sijne(n) beleyde/ scepen(en) brieve(n) en(de) leveri(n)ge(n) alsoe v(er)re alst noch/ voir scepen(en) come(n) es In scampno septembr(is) xiiii/ Hier nae volge(n) de pande(n) d(air)op jan/ van maelcote jairlijcx heeft en(de) houden(de)/ es seve(n) goude(n) croone(n) erffelijck/ Inden ierste(n) een hoff gelege(n) topvelpe ond(er) de/ heerlich(eit) van mulstede mett(er) poerte(n) huyse(n) schue(re)/ stalle(n) dofhuyse boeg(ar)t wynnen(de) lande en(de) alle
//
ande(re) toebehoirte(n) houden(de) tsame(n) xviii boende(re)n/ in div(er)sen stucke(n) en(de) plaetse(n) gelege(n) inde prochie/ van opvelpe en(de) ned(er)velpe tvoirs(creven) hoff gelegen/ tussche(n) de goede des he(re)n van b(er)ghen t(er) eenre/ en(de) der kinde(re)n smu(n)ters t(er) ande(re) en(de) de h(er)strate/ ald(air) t(er) derd(er) en(de) de voirs(creven) lande in seve(n) stucke(n)/ gelegen/ It(em) dyerste stuck houden(de) iii(½) boende(re)n gelegen/ in een block tussche(n) de(n) wouwe(r) des hee(re)n van/ b(er)ghe(n) t(er) eenre en(de) de goede jans de mu(n)te(re) t(er) ande(re)/ It(em) ii[te] stuck houden(de) (½) dach(mael) gelege(n) ald(air) tussche(n)/ den voirs(creven) wouwe(r) en(de) de goede jans wijle(n) zwaefs/ It(em) iii[de] houden(de) i(½) dach(mael) gelege(n) tussche(n) deselve goede/ It(em) iiii[de] houden(de) v(½) boende(re)n gelegen voe(r) de poorte/ vand(en) voirs(creven) hove tussche(n) de strate geheete(n) mole(n)/ strate en(de) tvoirs(creven) hoff/ It(em) v[te] houden(de) v(½) boende(re)n gelegen t(er) and(er) zijde(n)/ vand(er) voirs(creven) strate(n) tussche(n) de selve strate en(de) tcloest(er)/ van viller/ It(em) vi[te] houden(de) xi dach(mael) gelege(n) tussche(n) de gemeyn/ strate gaen(de) acht(er) velpe en(de) de goede henr(ix) va(n)d(er)/ borchove(n) t(er) ande(re)
//
It(em) vii[te] houden(de) (½) boende(r) tussche(n) thoff goerts/ shazen t(er) eenre en(de) jans mu(n)te(re) t(er) ande(re) It(em) noch i beempt den voirs(creven) hove toebe/ hoiren(de) gelege(n) inde voirs(creven) prochie van op/ velpe acht(er) en(de) neve(n) tvoirs(creven) hoff en(de) alle ande(re)/ alsoe v(er)re die chijs goede zijn en(de) nyet eygen(en)/ ghelijck(er)wijs geldolf vand(er) lynde(n) deselve/ goede ald(air) te houde(n) plach
//
smeyers en(de) d(er) scepen(en) datmen den selve(n) geleydd(en)/ houd(en) soude inde macht van sijne(n) beleyde/ scepen(en) brieve(n) en(de) leveri(n)ge(n) alsoe v(er)re alst noch/ voir scepen(en) come(n) es In scampno septembr(is) xiiii/ Hier nae volge(n) de pande(n) d(air)op jan/ van maelcote jairlijcx heeft en(de) houden(de)/ es seve(n) goude(n) croone(n) erffelijck/ Inden ierste(n) een hoff gelege(n) topvelpe ond(er) de/ heerlich(eit) van mulstede mett(er) poerte(n) huyse(n) schue(re)/ stalle(n) dofhuyse boeg(ar)t wynnen(de) lande en(de) alle
//
ande(re) toebehoirte(n) houden(de) tsame(n) xviii boende(re)n/ in div(er)sen stucke(n) en(de) plaetse(n) gelege(n) inde prochie/ van opvelpe en(de) ned(er)velpe tvoirs(creven) hoff gelegen/ tussche(n) de goede des he(re)n van b(er)ghen t(er) eenre/ en(de) der kinde(re)n smu(n)ters t(er) ande(re) en(de) de h(er)strate/ ald(air) t(er) derd(er) en(de) de voirs(creven) lande in seve(n) stucke(n)/ gelegen/ It(em) dyerste stuck houden(de) iii(½) boende(re)n gelegen/ in een block tussche(n) de(n) wouwe(r) des hee(re)n van/ b(er)ghe(n) t(er) eenre en(de) de goede jans de mu(n)te(re) t(er) ande(re)/ It(em) ii[te] stuck houden(de) (½) dach(mael) gelege(n) ald(air) tussche(n)/ den voirs(creven) wouwe(r) en(de) de goede jans wijle(n) zwaefs/ It(em) iii[de] houden(de) i(½) dach(mael) gelege(n) tussche(n) deselve goede/ It(em) iiii[de] houden(de) v(½) boende(re)n gelegen voe(r) de poorte/ vand(en) voirs(creven) hove tussche(n) de strate geheete(n) mole(n)/ strate en(de) tvoirs(creven) hoff/ It(em) v[te] houden(de) v(½) boende(re)n gelegen t(er) and(er) zijde(n)/ vand(er) voirs(creven) strate(n) tussche(n) de selve strate en(de) tcloest(er)/ van viller/ It(em) vi[te] houden(de) xi dach(mael) gelege(n) tussche(n) de gemeyn/ strate gaen(de) acht(er) velpe en(de) de goede henr(ix) va(n)d(er)/ borchove(n) t(er) ande(re)
//
It(em) vii[te] houden(de) (½) boende(r) tussche(n) thoff goerts/ shazen t(er) eenre en(de) jans mu(n)te(re) t(er) ande(re) It(em) noch i beempt den voirs(creven) hove toebe/ hoiren(de) gelege(n) inde voirs(creven) prochie van op/ velpe acht(er) en(de) neve(n) tvoirs(creven) hoff en(de) alle ande(re)/ alsoe v(er)re die chijs goede zijn en(de) nyet eygen(en)/ ghelijck(er)wijs geldolf vand(er) lynde(n) deselve/ goede ald(air) te houde(n) plach
Nagekeken door: Greet Stevens
Moderator: Greet Stevens
Laatste update:: 2014-09-02 door Dieter Peeters