SAL7384, Akte: V°141.3-R°142.1 (228 van 1043)
Zoek akte
Vorige | Volgende
Akte V°141.3-R°142.1  
Act
Datum: 1490-09-15

Transcriptie

2018-12-22 door fernand BERTRAND
Dair m(ar)griete weduwe jans wijle(n) nole ontbode(n)/
heeft pete(re)n de hane als naiste erfgename(n)/
[vacat] weduwe arnts wijlen machiels om/
der rasteme(n)ten wille die deselve weduwe/
noels hadde doen doen op zeke(re) haeffelijcke goede/
d(er) selv(er) weduwe(n) machiels bynne(n) den platen der/
selv(er) weduwe(n) noels wesen(de) voir hue(re)n pijne arbeyt/
sorghe lasten moeyte(n) periclen coste(n) en(de) groote v(er)lette(n)/
die zij gehadt hadde inde(n) pericle noode siecte(n)/
en(de) sterfte(n) der selv(er) weduwe(n) machiels die bi(n)ne(n)/
hue(re)n huyse gesont come(n) sijnde en(de) eene wile/
geweest hebbende dair vand(er) pestilencien/
en(de) heet(er) ziecte(n) zieck wordde(n) es en(de) gestorve(n) dair/
zij hue(r) selve in p(er)soene in dier noot bij gestae(n)/
hadde huer geadministreert alle dienst troost/
ond(er)stant liggen sitten vier licht huys eten drincke(n)
//
ende gehouden tot huers selfs cost ende nae huer/
doot huer huys heeft moete(n) gesloten houde(n) den/
tijt van zesse weken ende alsoe hue(re)r neri(n)ghen/
berooft geweest tot hue(re)n groote(n) acht(er)deele soe zij/
seyde Sijn come(n) deselve weduwe noels t(er) eenre/
en(de) peter de hane die jonghe t(er) ande(re) bijd(en) raide/
vand(er) stadt aldair de voirs(creven) weduwe v(er)haelde/
des voirs(creven) steet ende dat zij dair voe(r) beg(er)de/
de so(m)me van xvi rinsgulden(en) seggen(de) dat zij/
dat alsoe noch eens niet g(er)ne doen en soude wille(n)/
noch huer en(de) huer huys in sulken pericle coste/
en(de) laste scade(n) en(de) verlette stelle(n) voir deselve so(m)me/
den voirs(creven) pete(re)n t(er) contrarien allege(re)nde en(de) opdoen(de)/
div(er)se reden(en) Es p(ar)tien gecleert dat deselve wed(uwe)/
huer recht ende execucie voirts sal moege(n) v(er)volge(n)/
opde haeffelijcke goede bij huer gelijck vo(r)e gerasteert/
cor(am) hove burg(imagistr)[o] et plu(r)ib(us) aliis de cons(ili)[o] septe(m)br(is)/
xv
Nagekeken doorGreet Stevens
ModeratorGreet Stevens
Laatste update:: 2014-09-02 door Dieter Peeters