Item want ind(er) condicien geregistreet staen(de) junii/ xiiii lestleden ond(er) den scepen(en) brief van achtien/ rinsgulden(en) eens oft eene(n) rinsgulden(en) erff(elijck) te besette(n)/ bekint en(de) geloeft bij meeste(re)n lenarde vande(n) zande/ een clausele begrepen steet oftmen bevonde opde/ hond(er)t eene(n) viertich rinsgulden(en) ald(air) begrepen enige/ ande(re) betalinge oft ontfanck voirmaels gesciet te/ zijne dat meest(er) lenart d(air)af blive(n) soude op sijn actie/ om van dien restitucie vande(n) gene(n) dat alsoe/ ontfange(n) hebben(de) oft sijne(n) nacomeling(en) te recouv(re)ren?/ en(de) deselve meest(er) lenart alsnu bevonde(n) heeft/ eene cedulle gesubsigneert soe hij meynde/ mette(n) hanteeke(n) wile(n) jans van boxlair van/ negenthien en(de) eene halve croene(n) van eene(n) p(er)de/ dat deselve boxlair gecocht soude hebbe(n) tege(n) willem(me)/ wile(n) vande(n) dijcke op dierste twee kinde(re) van/ eend(er) dracht die deselve wille(m) van zijne(n) wive/ hebbe(n) soude welke cedulle soe de weduwee/ desselfs wijlen van boxlair hielt niet en was/ autentijck bij meer reden(en) namelic wantse/ wijlen huer man selve niet gescreve(n) en hadde/ noch thanteeken d(air)op staende niet en gelijcke/ huers mans ande(re)n hanteeken(en) ende dat/ meer was en hadde die gheene(n) daet inne/ Niet te myn om alle twivel te scouwe(n) en(de)/ de ziele van hue(re)n man tontlaste(n) ofter yet/ aff wa(r)e des zij niet en wiste Soe heeft/ de voirs(creven) meest(er) lenart huer en(de) de ziele va(n)/ hue(re)n man van dien geheelijck ontlast en(de)/ quijtgescouwe(n) Ende voirt van alle(n) ande(re)n/ cedulle(n) van coma(n)scapen oft ande(re)n sculden/ oft eyssche(n) die deselve meest(er) lenart meer/ bevi(n)den mochte aen oft op wile(n) hue(re)n man/ zij wae(re)n van zijnd(er) hant selve gescreve(n) oft/ met zijnd(er) hant gesubsigneert in wat manie(re)n/ dat wa(r)e Ende dit al ov(er)mits der so(m)men/ van tweelff rinsgulden(en) die zij hem soe quijt/ gescouwe(n) soe afgenome(n) heeft vande(n) rinsgul(den)/ erff(elijck) oft achtien rinsgulden(en) eens voirs(creven)/ Promitt(entes) nullatenus alloqui sed war(andizare)/ prout cor(am) hoeve(n) buetsele septembr(is)/ xxii