SAL7384, Act: V°244.2-R°245.1 (451 of 1044)
Search Act
previous | next
Act V°244.2-R°245.1  
Act
Date: 1490-12-10

Transcription

2019-06-23 by fernand BERTRAND
Tusschen robbrechte van schoenbeke impetrant van zeke(re)n/
brieve(n) van des(er) stadt ov(er) ende aene die van halen/
dair mede hen gescreve(n) es hem te baten te laten come(n)/
ende te cortte(n) aende schult die sij hem eyschen(de) sijn met/
scepen(en) brieve(n) van halen ende d(air)voe(r) sij aldair sijn/
goede geco(m)mert ende gepant hadde(n) alsulke(n) schade/
alse hij geleden mocht hebbe(n) int broeck dair van/
hij hen de voirs(creven) schult sculdich mocht sijn ende/
oick des hem de stadt tacht(er) mocht sijn alsoe hij/
seyde van sijne(n) dienste v(er)lette ende vacatien als/
borg(er)meest(er) van halen die voir al execucie beg(er)d(en)/
van hue(re)n voirs(creven) scepen(en) brieve(n) meyne(n)de dat hen/
die geschied(en) soud(e) ende mette(n) voirs(creven) versochten/
cortsele niet gesuspendeert oft vertogen wordde/
t(er) ande(re) Es de sake uuytgestelt tot des ande(re)n vrijdaighs/
nae derthiendach naistcomen(de) ende p(ar)tien gelast bynne(n)/
middelen tijden mynlijck met malcande(re)n te v(er)accoerde(re)n/
vand(er) schaden acht(er)deele ende ande(re)n eysschen ende/
gebreken voirs(creven) de welke deselve robbrecht in/
gescrifte met goed(er) specificacien sal doen stellen en(de)/
ind(en) gevalle sij d(air)inne niet en conste(n) mynlijck ov(er)come(n)
//
dat sij dan ten voirs(creven) daige wed(er)quame(n) bijd(en) raide/
alhier verwachten(de) ende neme(n)de alsulke(n) appointeme(n)t/
als den raidt gedragen sal ende dat allen saken/
van rastacien ende peyndige(n) h(ier)enbynne(n) sullen/
blive(n) in state ende op huer beloep en(de) in wesen(e) het/
en sij dat deselve robbert die met goed(er) borchtocht(en)/
en(de) zekerheyt genoech sijnde can verborgen Act(um) in cons(ili)[o]/
opidi p(rese)ntibus h(er)meys sub(stitu)[to] hove burg(imagis)[tr(is)] duffle hoeve(n)/
et plu(r)ib(us) aliis tam scab(in)is q(uam) c(on)siliar(iis) decembr(is) x
ContributorsGreet Stevens
Moderated byGreet Stevens
Last update: 2014-09-03 by Dieter Peeters