Item willem dibbout sone wijle(n) wout(er)s ende jan/ vand(er) hulst sone wijle(n) jans in p(rese)ntia hebben/ genome(n) en(de) bekindt genome(n) te hebben indivisim/ van joese van oirbeke en(de) h(er)ma(n)ne yeve(n) als/ heyligheestmeest(er)s van s(in)te jacops te loven(e)/ Een stuck lants houden(de) twee boende(re)n paulo/ de(n) selve(n) heylige(n)gheest toebehoiren(de) gelege(n) inde/ prochie van he(re)nt op de lyndevelt aend(en) mileboem/ tusschen de landen jonck(er) arnts van pe t(er) eenre/ en(de) jans van dorne t(er) ande(re) en(de) de h(er)strate t(er) d(er)der/ zijden Te houde(n) en(de) te hebben van halfm(er)te lestlede(n)/ eene(n) t(er)mijn van tweelff jae(re)n lanck deen nae dand(er)/ zond(er) middel v(er)volgen(de) Elcx jairs d(air)enbynne(n)/ om en(de) voe(r) twee en(de) een halff mudde(n) rocx/ pag(abilis) cu(m) va(n)no mate van loven(e) Alle jae(re) s(in)te
//
andriesmesse apostels te betalen(e) en(de) te loven(e) opde(n)/ spyke(r) des voirs(creven) heylige(n)gheests te leve(re)n quol(ibet) ass(ecu)[tu(m)]/ Ende dairaff den yerste(n) pacht van desen valle(n)/ sal s(in)te andriesmesse anno xci naistcomen(de) It(em)/ sulle(n) de voirs(creven) wynne(n) den voirs(creven) t(er)mijn lanck due(re)nde/ wel en(de) loflijck wynne(n) houden en(de) werve(n) tvoirs(creven)/ lant en(de) mesten tallen drie jae(re)n gelijck regenoete(n)/ bove(n) en(de) benede(n) Ende en sulle(n) de voirs(creven) wynne(n)/ tvoirs(creven) lant niet moege(n) h(er)vruchte(n) bynne(n) de drie/ leste jae(re)n vand(en) voirs(creven) t(er)mijn(e) It(em) es vorw(er)de dat zij/ tvoirs(creven) lant laten sulle(n) tot hue(re)n afscheyd(en) bloet alsoe/ zij dat aenveerde(n) sulle(n) It(em) es insgelijcx vorweerde/ dat de voirs(creven) wynne(n) de beke(n) en(de) wat(er)loope(n) o(m)me/ en(de) bij de voirs(creven) goede staen(de) van jae(re) te jae(re) vegen/ ende ruyme(n) sulle(n) alsoe in tijts dat den voirs(creven)/ heylige(n)gheest dair bij gheen schade lijde(n) en sal/ en(de) oick beheyme(n) sond(er) den last als vo(r)e vanden/ selve(n) heylige(n)gheeste Ende alle dese vorweerden (et)c(etera)/ cor(am) duffle hoeve(n) februarii xi