Want lodewijck cobbelgiers als procur(eur) yden va(n)d(er)/ poirten weduwe jans wijle(n) stamelairts geleydt/ sijnde nae des(er) stadt recht voir sijn wettich/ gebreck uut crachte van scepen(en) brieve(n) van/ loven(e) ond(er) den ande(re)n tot allen den goed(en)/ beyde have en(de) erve baten van gheele soe/ wair die gelegen sijn hem met brieve(n) van/ des(er) stadt gescreve(n) aend(en) meye(r) van libbeke/ oft zijne(n) stadhoude(r) te holsbeke alle deselve/ goede behoirlijck heeft doen leve(re)n en(de) d(er) voirs(creven)/ baten van gheele en(de) laureyse wout(er)s hue(re)n man/ dach van rechte te compare(re)n inde banck voir/ meye(r) en(de) scepen(en) van loven(e) doen besceyden/ oft zij hen dair tegen hadden willen oppone(re)n/ Aldair zij op heden als ten verstreken(en) daige/ nyet gecompareert en zijn noch oick procur(eur)/ van hue(re)n wegen de voirs(creven) lodewijck altijt/ compare(re)nde en(de) trecht voirt v(er)sueken(de) Soe/ v(er)re dat de scepen(en) van loven(e) t(er) manissen/ smeyers nae dat hen bij rappoirte gielijs/ eveloghe des(er) stadt bode behoirlijck gebleke(n)/ heeft de voirs(creven) leveringe en(de) dach besceydinge
//
gesciet te zijne gewesen hebben voir een vonnesse/ wair de wed(er)p(ar)tie des voirs(creven) geleydden nyet/ en compareert ten opstaen(e) smeyers en(de) d(er) scepen(en)/ datmen den selve(n) geleydden houd(en) soude inde/ macht van sijne(n) beleyde scepen(en) brieve(n) en(de) leve/ ringe(n) alsoe v(er)re alst noch voir scepen(en) come(n) es/ In scampno februarii xxvi