SAL7384, Act: V°398.1 (732 of 1044)
Search Act
previous | next
Act V°398.1  
Act
Date: 1491-03-10

Transcription

2020-06-15 by fernand BERTRAND
tem h(er) jan van h(er)lair ridde(r) nyet tegenstaen(de) den/
br(ieve) vand(er) stadt d(air)mede hij op heden alhier te come(n)/
bescreve(n) es geweest om sund(er)linge saken wille/
ende dat hij alsoe veylich en(de) ongehacht come(n)/
en(de) kee(re)n mochte heeft dach genome(n) inden raide/
vand(er) stadt en(de) oick voir den selve(n) raide in/
hande(n) willems claes vorst(er)s gelooft bij sijnd(er)/
trouwen ee(re)n manwairh(eit) als een goet kerste(n) man/
en(de) op tkerste(n)dom dat hij inde vuynte ontfinck/
dat hij tusschen dit ende acht daige(n) voe(r) oft acht/
daige(n) nae sinxen(en) naistcomen(de) ombegrepen beslichte(n)/
sal oft doen beslichte(n) en(de) soe vele doen ende/
vervolge(n) mett(er) mynne(n) oft mette(n) rechte dat jan/
van scoenvorst volcomelijck gelost sal sijn va(n)d(er)/
borchtocht dair voe(r) deselve van scoenvorst/
desselfs he(re)n jans borge es ende dair voe(r)/
hij gepraemt heeft geweest oft in gebreke van/
dien dat hij bynne(n) de(n) selve(n) tijde hier ind(er)/
stadt come(n) sal en(de) d(air)uuyt nyet sceyden voir/
aen d(er)re tijt toe dat deselve lossinge gehelijck/
sal sijn gebuert mett(er) mynne(n) oft met rechte/
en(de) dat hij he(m) nerge(re)ns dan alh(ier) ind(er) stadt/
in dien tege(n) de(n) selve(n) scoenvorst behulpe(n) en sal/
ende datme(n) de scult van rinte(n) oft ande(re) dair/
inne t(er) ande(r) sijde(n) de voirs(creven) van scoenvorst ten/
voirs(creven) he(re)n ja(n)ne w(er)t gehoud(en) mach sijn d(air)aen/
alsdan sal moege(n) compense(re)n en(de) cortte(n) soe v(er)re/
die strect en(de) dat die selve scult oick soe lange/
sal blive(n) berusten(de) In cons(ili)o opidi h(er)meys sub(stitu)[to]/
hove burg(imagis)[tr(o)] et plu(r)ib(us) aliis de cons(ili)[o] p(rese)ntib(us)/
martii x
ContributorsGreet Stevens
Moderated byGreet Stevens
Last update: 2014-09-04 by Dieter Peeters