Item de voirs(creven) executeurs die vercocht hebben/ meeste(re)n pete(re)n van walem raidt en(de) meest(er) vand(er)/ rekencame(re)n ons genadig(er) hee(re)n srooms conincx/ en(de) eertsh(er)toge(n) ph(ilip)s zijns zoens de voirs(creven) xxviii(½)/ boende(re)n lants d(air)mede zij vand(en) pe(n)ni(n)g(en) d(air)aff/ comen(de) gelost hebben aende(n) selve(n) meeste(re)n pete(re)n/ xxiii sacken corens erffelijck die hij hadde opde/ selve land(en) en(de) opt hoff ten busdo(m)me mette(n) lande(n)/ moelen(en) vive(re)n en(de) alle(n) ande(re)n toebehoirte(n) gelege(n)/ te wese(n)beke t(er) plaetsen geheete(n) heyst voirt en(de)/ desgelijcx oick vier gulden(en) rijd(er)s erffelijck die de/ voirs(creven) meest(er) peet(er) aende voirs(creven) goede oick hadde/ hebben geloeft den selve(n) meeste(re)n pete(re)n dat zij/ bynne(n) twee jae(re)n naistcomen(de) hem setten sulle(n)/ en(de) bewijsen vive(n)twintich oft dertich rinsguld(en)/ erff(elijck) t(er) quiti(n)g(en) den pe(n)ninck xviii op goede/ loffelike pande oft borge(n) bynne(n) d(er) stadt oft/ ba(n)mijlen van loven(e) gelege(n) oft geseten te dien/ ynde dat deselve meest(er) peet(er) aen die rinte/ sall moege(n) verhale(n) ende recouvre(re)n sijn gebreck/ oft hij enich bevonde van rinte(n) oft lasten staen(de)/ opde voirs(creven) eygen(en) lande bove(n) negen ziste(re)n core(n)s/ d(er) maten van bruessele erfpachts d(air)op hij die gecocht/ heeft Op welken last van verbintenissen de/ voirs(creven) executeurs vand(er) selv(er) rinte(n) sulle(n) moege(n)/ dispone(re)n behoud(en) den selve(n) meeste(re)n peete(re)n sijn/ voirs(creven) int(er)est van zijne(n) gebreke(n) voirs(creven) cor(am) eisd(em)