Opde questie gecome(n) voir den raide vand(er) stadt/ tussche(n) h(er)ma(n)ne de heymo(n)niez goessen(e) van vileer/ van bevekem ja(n)ne de heymo(n)niez anth(onise) corf/ henr(icke) vand(en) broecke jehan willemair jeh(an)/ del chiese katlijne weduwe wijle(n) willems/ sloetmakers en(de) jacoppe del haye alle van/ doirne alh(ier) bescreve(n) sijnde te come(n) op geleye/ om su(n)derlinge saken t(er) eenre en(de) olivier nottart/ t(er) ande(re) Om de hachte die olivier hadde doen/ doen op goessen(e) de culot will(em)me del hase en(de)/ mathijse jans de heymo(n)niez wi(n)ne alle/ drie van bavekem voir xlvi rinsgulden(en) die/ deselve olivier eysschen(de) was den selve(n) twee dorpe(n)/ van gelogiert te hebben(e) tot hue(re)r beg(er)ten zeke(re)/ luyde van wapen(en) she(re)n van tynteville voir
//
de deffen(cien) vand(en) twee dorpe(n) d(air)aff voirmaels zeke(re)/ p(ro)cesse(n) en(de) t(er)mi(n)atien alhier wa(r)en gegeve(n) welke(n)/ niet tege(n)staen(de) dyerste p(ar)tie meynde dat olivier/ op hem verdoelt was metten rasteme(n)ten ende/ v(er)volghe op hue(r) goede hier bynne(n) wesen(de) gedaen/ Olivier de (contra)rie sustine(re)nde bijd(en) selve(n) voir t(er)mi(n)atie(n)/ ende namelijck weyg(er)de deselve yerste p(ar)tie te/ betalen(e) de coste(n) vand(en) drie gevangen(en) voirs(creven) gem(er)ct/ dat zij boden te bewijsen(e) dat eer zij hier gearresteert/ wa(r)en voir die sake uutgeroepe(n) was te doirne/ ende baveke(m) dat nyemant erge(re)ns en toge ten/ wa(r)e op sijns selfs ave(n)ture ende last Ende alsoe/ al wa(r)en d(air) enege costen bove(n) dien gedaen die en/ conste(n) op hen oft hue(r) goede niet geslaen Oick hadde/ olivier van elke(n) der twee dorpe(n) voirs(creven) genome(n) drie/ goede mans die hij volge(n) woude ende niet/ den twee dorpe(n) Ende die hadde hij ald(air) met/ rechte aengesproke(n) en(de) zij wa(r)en ald(air) gecondempneert/ bi(n)nen acht daige(n) te betalen(e) opde(n) ban die sulck was/ dat deselve v(er)oblig(er)de in die pene vand(en) banne/ vallen(de) moeste(n) late(n) she(re)nstrate voir hen en(de) hue(r)/ beesten Ende eert totten ba(n)ne come(n) es heeft hem/ de voirs(creven) olivier gevordert dat recht latende/ alhier te v(er)volgen Met meer woird(en) tegen/ dwelck deselve olivier al afslaen(de) des voirs(creven)/ steet bleve(n) es op tgene des alh(ier) zed(er) gesciet es dien/ aengaen(de) van getuygenissen taenhoiren t(er)mi(n)atien/ d(air)uut gegeve(n) rasteme(n)ten d(air)op geschiet en(de) vonness(en)/ d(air)uut gegeve(n) Soe v(er)re dat bijd(en) raide vand(er)/ stadt uutgesproke(n) es dat de yerste p(ar)tie gehoud(en)/ sal sijn des voirs(creven) oliviers moet te gecrijge(n) van/ zijne(n) principalen gebreken den xlvi rinsgulden(en)/ aengaen(de) d(air)aen afgecort des hij d(air)op gehave(n) mach/ hebben ende aengaen(de) den vroentcoste(n) vand(en) drie/ p(er)soene(n) d(air) olivier voir steet die sullen blive(n) berusten(de)/ tot dat die beslicht zijn tusschen dyerste p(ar)tie/ voirs(creven) en(de) de voirs(creven) drie gevangen(en) wie van hen
//
die sculdich sal sijn te betalen(e) Ende om d(air)aff/ ontco(m)meringe te doen(e) es der yerst(er) p(ar)tien tegen/ deselve drie p(er)soene(n) absent sijnde dach besceyd(en)/ om te doen blijcken aengaen(de) der voirs(creven) publicatien/ tgene des zij gelijck vo(r)e opgedaen hebben dien/ aengaen(de) om d(air)van alsdan te gescied(en) des behoi(r)en/ sal Ende hieraff sal deselve yerste p(ar)tie dese drie/ p(er)soene(n) adv(er)te(re)n om d(air)tegen te zijne en(de) om dit te/ doen blijcken heeft deselve yerste p(ar)tie dach/ genome(n) op van heden ov(er) acht dagen oft eer/ Ende t(er) beg(er)ten vand(er) stadt heeft olivier der/ yerst(er) p(ar)tien dach gegeve(n) om sijne(n) moet gelijck/ vo(r)e te crijge(n) ende hem te contente(re)n van des voirs(creven)/ steet xiiii nachte(n) tijts bij alsoe dat de wethoud(er)s/ den selve(n) olivie(r) uutstel sulle(n) doen hebbe(n) aende/ gene dair hij voirts sculdich es In cons(ili)[o] opidi/ aprilis xiii